Elixir (已結業)

事緣知道呢間coffee shop有隻得意貓咪，所以今日突登同女朋友去幫襯，首先去到人唔多，裡面亦有多個坐位，我哋係門口等咗一輪都唔見有staff幫手量體溫，而且d staff都係行過就算無理我哋，我哋好自然就埋去搵地方坐，當我去收銀買咖啡嘅時候，個Staff終於好大聲咁嗌我女朋友：「行返出嚟量體溫丫！」態度係極差！都算，盡返責任量體溫無錯，但態度唔需要咗咁。當我比緊錢買咖啡嘅時候咁啱後面有枱女仔飲完離開，好自然就走，無將d杯收返去cashier，個staff又再一次好大聲：「執返d野過嚟呀！」我諗個女仔無乜意會到要飲完咖啡自己要執埋枱，於是其中一個女仔有回頭疑惑咗一下？！結果阿staff又鬧：「係呀！講緊你呀！」當然我係個女仔都唔會返轉頭。其實我最後order咗杯honey combo，味道係Ok，可惜員工嘅態度我永遠都唔會再幫襯。