吉列牛忌廉烏冬專門店 (彌敦道) (已結業)

同朋友兩個人叫咗一個吉列牛定食、一個牛肉咖喱忌廉烏冬、一份牛油蜜糖雞翼、一杯熱蜂蜜菊花蜜同一杯cutris ocean，以為分量唔會太多點知食到好飽！吉列牛定食🥩吉列牛定食都幾大份，牛扒切開有十幾塊。出面吉列外層仲係脆卜卜唔會稔晒，入面係鮮嫩嘅粉紅色。食嗰陣先逐塊牛肉擺上個石爐上面燒，可以慢慢食但係又唔會攤凍晒，好正！牛嘅肉質都唔錯，啱啱燒到出面變咗色嗰陣食，食落就好鬆軟。而且吉列外層嘅調味唔會搶咗本身牛嘅味，幾夾。牛肉咖喱忌廉烏冬🍜最鍾意佢啲烏冬非常彈牙！食落口感好好！加埋忌廉食落好滑！咖喱係偏甜嘅咖喱，原來同忌廉咁夾。一碗份量都幾多，而且牛肉亦都好多，食完非常滿足。牛油蜜糖雞翼🍯估佢唔到竟然好重蒜香味，非常惹味香口。蜜糖唔會太甜，同埋切咗半骨食落好方便，係一個會食停口嘅小食。熱蜂蜜菊花蜜唔算好甜，蜜糖幾清香，菊花味都好出，係養生之選。citrus ocean飲落係柚子蜜梳打，藍色嘅梳打加埋檸檬同葉真係好靚，好啱打卡！