影片
更多
2021-07-10
1089 瀏覽
疫情好轉但同事要移民，今晚就同佢去呢間 譽宴中菜館到餞行，因為驚佢係外國冇乜好嘢食， 咁揀到呢間酒樓，其實內裏都好寬敞，而且空間感亦都夠大， 咁大家可以坐得舒舒服服去吹下水，咁我哋就叫咗以下食品。脆皮燒乳鴿： 咁呢個燒乳鴿， 我覺得都幾好食嘅因為佢個皮都燒得幾脆，而最重要就係佢肉質都幾嫩， 因為有好多酒樓燒親嘅乳鴿佢個肉都係燒到好鞋，但呢間酒樓啲肉都保持幼嫩我覺得都ok的。白胡椒炒辣蟹： 呢隻白胡椒辣蟹係我同事點名要，因為佢好想試，咁我覺得呢隻蟹係值得叫嘅，因為佢呢隻辣蟹個汁勁惹味，而且佢個蟹肉都好鮮甜味，因為呢一隻蟹係肉蟹所以都叫做啖啖肉，而且用鐵板上就特別惹味，所以呢個辣蟹我覺得係必點之一，因為見其他抬嘢都有嗌呢個蟹。 大家可以睇下我啲相作為參考。 可以見到啲煙都標曬出嚟，熱辣辣!黑蒜螺頭燉雞湯： 呢個燉湯有勁香嘅黑蒜味 ，而且個湯底液都偏向濃味，係我鍾意嘅老火龍湯，趁住疫情都仲未消退，飲下呢個湯加強免疫系統。杭州香醋一口骨: 呢個香醋一口骨， 佢個香醋有濃烈嘅醋味，但係佢唔係話太酸，酸得嚟就有啲甜味同香味， 佢個一口骨個外層都幾脆，啲肉亦都幾易入口，不過個肉就有啲肥豬肉，咁如果鍾
脆皮燒乳鴿： 咁呢個燒乳鴿， 我覺得都幾好食嘅因為佢個皮都燒得幾脆，而最重要就係佢肉質都幾嫩， 因為有好多酒樓燒親嘅乳鴿佢個肉都係燒到好鞋，但呢間酒樓啲肉都保持幼嫩我覺得都ok的。
白胡椒炒辣蟹： 呢隻白胡椒辣蟹係我同事點名要，因為佢好想試，咁我覺得呢隻蟹係值得叫嘅，因為佢呢隻辣蟹個汁勁惹味，而且佢個蟹肉都好鮮甜味，因為呢一隻蟹係肉蟹所以都叫做啖啖肉，而且用鐵板上就特別惹味，所以呢個辣蟹我覺得係必點之一，因為見其他抬嘢都有嗌呢個蟹。 大家可以睇下我啲相作為參考。 可以見到啲煙都標曬出嚟，熱辣辣!
黑蒜螺頭燉雞湯： 呢個燉湯有勁香嘅黑蒜味 ，而且個湯底液都偏向濃味，係我鍾意嘅老火龍湯，趁住疫情都仲未消退，飲下呢個湯加強免疫系統。
杭州香醋一口骨: 呢個香醋一口骨， 佢個香醋有濃烈嘅醋味，但係佢唔係話太酸，酸得嚟就有啲甜味同香味， 佢個一口骨個外層都幾脆，啲肉亦都幾易入口，不過個肉就有啲肥豬肉，咁如果鍾意食半肥瘦嘅朋友，呢個我覺得都係唔錯的。
黑椒金薯牛仔粒： 呢個黑椒牛仔粒其實肉 夠細細粒粒己的骰，一啖就可以入口。 金薯亦都炸得唔錯 而且個薯仔係黃金色嘅， 唔算話太辣有少少甜味，所以用嚟送飯係幾好。
乾隆石鍋炒飯: 最後呢個炒飯我覺得亦都炒得唔錯，因為唔算話太多油，而且佢用個石鍋令到個飯都好熱，不過入面啲配料就唔會話算係太多，所以如果你order咗其他餸去送飯係ok的。
( 糖水也好味）
最後朋友亦都幾滿意今餐飯，所以如果大家鍾意食辣蟹嘅話，我覺得係可以試吓呢間茶樓嘅。 因為其他餸菜都有水準的。
張貼
