影片
更多
2009-09-29
11 瀏覽
早幾日師傅同車匙姐姐一齊去守禮拜, 守完之後再一同食飯, 起初大家都係毫無頭緒,唔知食咩好, 最後去左旺角, 師傅諗下諗下不如坐好少少又食好少少啦, 於是又再揀左呢間食店! 師傅對呢間食店一向都幾有好感, 加上頗幾鍾意呢度個環境, 同埋都坐得幾舒服, 所以黎呢度唔會有太大嘅內心掙扎!入到去坐底, 睇下有咩好食啦, 坦白講呢度食物嘅選擇並唔算多, 如果黎多幾次就會覺得食黎食去都係嗰幾味, 變化唔大; 但如果係當飲杯野再加d小食呢, 咁樣嘅配搭會比較好; 由於師傅同車匙姐姐都未食飯, 所以都係照柯打野食先, 最後取得一致共識後, 就落單柯打一份精選熱海鮮盤同埋一份黑青口配法包, 實行黎個白肉海鮮餐!既然食海鮮, 師傅亦毫不猶豫建議開番一枝白酒黎點綴下, 素來師傅對白酒都冇咩研究, 於是等車匙姐姐揸旗啦! 白酒係揀左一枝澳洲地區, 當車匙姐姐試完酒後就同師傅講‘揀錯左’, 師傅O咀都黎唔切, 但都冇迎辦法架, 唯有照飲; 師傅飲左一啖覺得枝白酒好彩都夠凍, 而果味唔算香, 入口都不錯, 未至於超酸或勁澀, 所以都唔係話咁難飲, 但師傅就係唔知點樣叫好飲? 飲左兩啖後, 熱海鮮盤同黑青口配法包
入到去坐底, 睇下有咩好食啦, 坦白講呢度食物嘅選擇並唔算多, 如果黎多幾次就會覺得食黎食去都係嗰幾味, 變化唔大; 但如果係當飲杯野再加d小食呢, 咁樣嘅配搭會比較好; 由於師傅同車匙姐姐都未食飯, 所以都係照柯打野食先, 最後取得一致共識後, 就落單柯打一份精選熱海鮮盤同埋一份黑青口配法包, 實行黎個白肉海鮮餐!
既然食海鮮, 師傅亦毫不猶豫建議開番一枝白酒黎點綴下, 素來師傅對白酒都冇咩研究, 於是等車匙姐姐揸旗啦! 白酒係揀左一枝澳洲地區, 當車匙姐姐試完酒後就同師傅講‘揀錯左’, 師傅O咀都黎唔切, 但都冇迎辦法架, 唯有照飲; 師傅飲左一啖覺得枝白酒好彩都夠凍, 而果味唔算香, 入口都不錯, 未至於超酸或勁澀, 所以都唔係話咁難飲, 但師傅就係唔知點樣叫好飲? 飲左兩啖後, 熱海鮮盤同黑青口配法包亦同時登場!
好先講下個熱海鮮盤, 熱海鮮盤有龍蝦, 魷魚, 蝦, 青口同埋帶子(車匙姐姐話係蜆), 見到有龍蝦師傅當然唔客氣, 龍蝦有一隻, 開邊後嘅龍蝦賣相都幾靚幾吸引, 加上唔算係好細隻, 肉身算幾厚, 有期望; 不過有期望自然有失望, 入口後就發覺肉身唔算新鮮, 肉質幾硬同幾黏殼, 師傅覺得應該係雪得太耐, 未算好味; 再試下魷魚, 膽固醇甚高嘅魷魚就非常之出色, 魷魚爽口唔韌, 絕對唔會咬到牙都軟, 加埋個汁底酸酸辣辣, 幾惹味醒胃, 不錯!
蝦都有兩隻, 但師傅就冇食到, 皆因相信龍雖蝦有咁嘅水準, 蝦又可以好得去邊? 車匙姐姐食完後嘅評價都係一般, 所以就算不吃亦冇損失; 青口個殼真係好大隻, 但肉身其細, 加上唔算太靚, 有異味, 基本上好難食, 雖然唔係隻隻都係咁, 但每放一隻入口如同一鋪大細, 咁玩法真係搏唔過, 隨時輸多贏少, 止蝕離場穩陣d; 最後帶子得一隻, 車匙姐姐吃左之後淨係同師傅講左句 ‘好難食’, 咁師傅收到晒亦冇咩可以講啦!
另一份黑青口配法包, 揀左白酒忌廉汁, 呢個白酒忌廉汁又煮得頗出色, 皆因個汁唔會太杰亦唔會太膩, 用法包黎點白酒忌廉汁係非常好味, 但唯一壞處係個汁凍左後會變得較酸, 相信係同白酒有關; 而法包烘到熱辣辣, 外脆內軟, 軟硬適中, 連師傅一向唔鍾意食麵包亦忍唔住吃左三塊, 配埋白酒忌廉汁堪稱一絕; 而黑青口同海鮮盤嗰d分唔大, 殼係異常之大, 但肉身其細, 有相為証架, 加上又係有異味, 大剎風景!
總括而言是次嘅食物質素好一般, 以海鮮嘅角度黎講真係唔合格, 如果唔係白酒忌廉汁同法包挽回少少分數, 師傅相信應該全軍盡墨; 環境仍然係咁舒服, 服務態度依然友善, 而價錢又唔算好平啦, 飲埋酒兩個人差唔多三百五蚊; 鑑於青口嘅質素實在無法接受, 所以師傅亦向經理反映反映, 經理話換個比師傅, 但師傅覺得冇呢個需要, 皆因青口應該係成批都唔得; 而經理亦話會比番個折師傅, 最後埋單時發覺多左個九折, 寡勝於無啦! 如果冇折個價應該仲要高少少添呀! 師傅都會再黎, 但未必會食野, 呢個白肉海鮮餐真係比唔到笑臉, 但全晚最開心莫過於見到車仔輸波!
張貼
