White Hse. (已結業)

玫瑰花釀紅茶：賣相雖然簡單由橙淺淺入紅，但我就覺得簡單得嚟好靚，玫瑰花香好重，加埋甜甜地嘅紅茶，對於甜甜控嘅我，我覺得幾好飲。White Hse Cookie Cup：隻熊仔真喺好用心，我覺得佢嘅造型比起某大甜品做得更好，佢嘅威化餅厚實得嚟啱啱好，唔會過份硬，亦都唔會濕同淋，如果牛奶喺凍或改為士多啤梨牛奶 （凍）我念會比好高份香蒜芫荽雜菌炒意粉：愛好芫荽嘅芫荽控朋友 ，你有福啦 ，雖然少少嘅芫荽 ，但味道都幾重，雜菌炒意粉，唔算太油亦都唔乾身，配搭上芫荽，自覺真喺似幾好嘅配搭 韓式泡菜煙鴨胸炒蝴蝶粉： 煙鴨胸厚度啱啱好 ，炒埋蝴蝶粉，食落有唔同嘅層次，再用埋泡菜泡製，初初微微嘅小辣，但越食就越有味道，對於唔食得辣嘅我，辣度真喺啱啱好。服務都可以一讚，有一位職員 會好貴賓式歡送你。真喺好小餐廳會咁做。雖然唔知喺唔喺嗰嗰職員都喺咁，但我遇到嗰位就喺。