不二江湖菜

營業中

休息中

登龍街好多嘢食就大家都知道，行過見到呢間餐廳幾多人，晚市套餐都好抵食就決定入去一試，最後朋友們都好餓，所以都直接叫大份量既主食。麻辣口水雞口水雞份量都幾多，配上辣椒紅油，夠曬味道。招牌酸菜魚超大碟咁上枱，上面鋪滿咗好多雪白嘅魚片，啱晒我好鍾意食魚嘅朋友。酸菜係老壇酸菜嘅味道配上金湯，好開胃，配有大量嘅酸菜同埋爽口既萵筍。麻辣乾鍋(黃喉/花菜/黑栢葉/蓮藕片）乾鍋餸既份量好多，唔會辣椒多過主菜，食物都好入味，鍾意食麻嘅重可以加麻，食到最後都唔會覺得好油。