霸嗎拉麵 (已搬遷) 新店位置

相信好多人都聽過霸嗎拉麵，由日本開到黎香港，有五間分店，又有幾多人真係試過呢？今日我同朋友就去左銅鑼灣登龍街試下依間拉麵店，我地未到七點去到，唔洗等位，食完七點半已經有長長人龍係出面等候，再四圍望一望，發現間間拉麵店都排哂長龍啊！果然登龍街嘅拉麵店係極受歡迎。我簡左豬骨豚肉紫菜玉子拉麵，$98，如果唔要果4塊紫菜平$10。湯底夠味，係食到最後有d油，拉麵彈牙，份量足夠，有一件厚厚既豚肉，最出色係個玉子，流心，好正。朋友叫左碗辛辣炙燒豚肉味玉拉麵，佢覺得偏鹽左少少，但辣味十足，要點嘅朋友要諗清楚，最後職員會比粒雪米茲你解下辣啦。我地仲叫左個辛口燒餃子5件$38，餃子個辣醬係淋係餃子上，有d油同咸，我地都麻麻地。總括而言，拉麵係可以一試，而且無加一嫁。