家嫂一家大小

營業中

休息中

呢間火鍋放題真係堅，雖然要四百中一位，無張限時，可以食到佢收工，真係物有所值，五人以上有架超級無敵刺身船跟餐餸嘅，要兩個侍應一個搬頭一個搬尾咁托過嚟，誇張到爆。架刺生船最勁就係有海膽。餐前小食都有15種畀你揀，當然我哋梗係係咁已食少少啦，留返個肚食後面啲海鮮，因為佢連海鮮都係飲叫嘅，唔似其他地方只係出一盤。小食之後打邊爐之前仲有個雞煲畀你食，我啲friend係咁食，而我就一件都冇食過，留返個肚。佢啲海鮮有鮑魚、龍躉片、貴妃蚌、珊瑚蚌等，豐富到痴咗線。佢啲煲都幾靚㗎。另外佢啲飲品都唔惹少，除咗罐裝飲品之外，仲有呢啲杯裝飲品，超多款任你揀。