一休(居食屋)日本料理 (38廣場)

營業中

休息中

靜靜地⋯⋯ 旺角食日本菜第一次試食，自然有驚喜👏👏⭐️生蠔來自日本🇯🇵，買得唔貴🦪 ，咁就叫咗一打。生蠔飽滿，夠 creamy，海水咸味淡，唔會死咸，中等「正」。👍壽司🍣、刺身當然唔少得。壽司做得精緻，刺身唔係旺角放題質素，中規中矩。兩個人叫唔到好多，不過當中嘅炸蠔印象深刻。用番日本蠔炸，脆皮唔油。炒雜菜幾甜，好難得食到菜嘢甜味，而黑松露沙律個味又相當特別，值得一試。餐廳環境尚可，燈光偏暗，裝修有啲懷舊感覺，都幾方便傾計。疫情下搵食好難 🤯，難得餐廳堅持開業，起碼可以係旺角靜靜地食一餐。餐廳係咪旺角最正？No，不過性價比合格，其實已經好難得。👍👍👍