燒烤堂 (已搬遷) 新店位置

之前同朋友嚟食過，覺得好好食所以再返嚟食！有少少秋涼所以坐外面都好舒服😌 第一輪點嘅食物入面，厚切牛舌腩依舊咁出色，牛舌芯都好不錯，但本人較喜歡牛舌腩嘅口感。汁燒雞心意外地好食，un un地，好有咬口。另一個意外驚喜係⋯蒜蓉包！無錯，係蒜蓉包！好脆，入面有生赫同熟蒜，所以蒜味好濃，最適合鍾意蒜味嘅人。連好鍾意食蒜蓉包嘅友人，都忍唔住大讚驚為天人😂除左汁燒免治雞肉軟骨棒，其他雞類普遍較一般，牛肉類係最出色。價錢唔算平，但係食物質素交足功課，非常適合朋友聚會一齊點多啲款色去share! 整體嚟講都值得推介！