影片
港鐵尖沙咀/尖東站 B2 出口, 步行約3分鐘
繼續閱讀
電話號碼
98865052
附加資料
每天14:30後訂枱, 不設網上訂座
營業時間
星期一至日
18:00 - 00:00
以上資料只供參考, 請與餐廳確認詳情
呢間串燒舖頭係同事介紹嘅，我試咗過之後真係食得停唔到手！佢哋嘅燒安格斯牛肉串、雞肉串、雞皮串同埋各款蔬菜串都好出色，但係特別推介嘅就係串燒荔枝豬肉同月見雞肉啦！呢兩款串燒真係好好味，肉質鮮嫩，加埋啲調味料，味道更加鮮美。如果多人一齊食，就可以試下唔同種類嘅串燒啦！佢哋嘅性價比真係好高，整體來講，除返開人頭都唔使$300，真係非常抵食。如果係要搵一個缺點黎講，就係佢位置喺樓上鋪排隊搭lift上去都要少少時間。所以如果你想食串燒，呢間舖頭絕對係一個不容錯過嘅好去處！
繼續閱讀
尖沙咀 暢飲歡聚首選串燒專門店🍻燒烤堂📍尖沙咀厚福街12號藍馬商業大廈5樓➰好歌推介「也許會有一天，世界真的有終點，也要和你舉起回憶釀的甜，和你再乾一杯。」#乾杯 #五月天➰近排公司啱啱接左一單比較複雜嘅Project，成個星期都係追趕進度，難得今日可以準時收工，即刻約朋友出嚟吐下苦水，排難解憂一下。.朋友就話想食串燒飲下酒，我理所當然就推介左燒烤堂，依間都係我飯堂之選之一，串燒出品高質價錢公道而且可以同朋友開懷暢飲，甚至有時紅館睇Show之前想食餐豐富晚餐都非常推薦。.餐廳位於厚福街，距離尖沙咀站約5分鐘路程，平日夜晚都人潮滿坐，試過Walk in係完全無位，所以好建議打留話預訂咗先，餐廳裝修以木系居酒屋格調為主，室內燈光偏暗頗有情調，仲有戶外有蓋露台座位，環境會更熱鬧。➰飲品 𖥕Sapporo Premium Draft Beer 💲48(Buy one get one free!) ⭐️4.2/5⭐️餐廳飲品選擇款式都多，酒類選項有清酒，HighBall等，亦有無酒精飲品提供。但當中最高性價比就不得不推介Sapporo生啤，長期推廣買一送一優惠，生啤入口冰爽順喉，非常滿足，想暢飲嘅朋友不容錯過。🍻➰Menu菜式款式五花八門，種類繁多，而且餐廳好有心思地為每款都配搭唔同風味燒制，如日/西/川式燒烤方式等，以下重點推介本人認為必點及高度推薦菜式。✥前菜味淋魚乾(日) 💲48/份 ⭐️4.1/5⭐️率先出場就係日式嘅味淋魚乾，微焦帶甜有咬口，仲配有沙律醬，係一邊飲酒一邊傾計食野一流嘅小食。😋.桂花蜜糖本地冷蕃茄(西) 💲28/份 ⭐️4.1/5⭐️蕃茄已經預先切片，西餐處理方法浸泡係桂花蜜糖汁入面，入口甜中帶酸，仲有食到梅子粉調味，係好開胃嘅前菜。𖥕串燒厚切鹽燒牛舌腩(日) 💲48/串 ⭐️4.2/5⭐️牛舌中最珍貴同最好味嘅部分，肥美軟腍，加上厚切有彈性而且軟嫩多汁，入口豐富嘅油花回蕩，好滋味，牛舌控不容錯過。😋.汁燒橫隔里肌(日) 💲28/串 ⭐️4.1/5⭐️牛味濃郁，脂肪含量少，入口淡淡肉已經偏軟腍，好滋味。.鹽燒赤雞頸肉(日) 💲22/串 ⭐️4.1/5⭐️雞頸肉亦比較少見，同平時食嘅雞腿肉串燒分別幾大，爽韌有咬口，係一種新嘅體驗，推薦一試。❀必食推介鹽燒原塊雞皮(堂) 💲22/串 ⭐️4.3/5⭐️燒烤堂嘅自家製作推薦，係我第一次被依間串燒店吸引嘅重點，亦都係每次必點之作，香港少有餐廳將雞皮可以燒至極薄極脆，撻開每塊有手掌大細，有住薯片脆口一咬即碎嘅口感，入口散發淡淡雞油香氣，配搭鹽燒調味，送酒一流必點推介。😋.豚肉節瓜波板糖(附月見)(堂) 💲38/份 ⭐️4.3/5⭐️外形似足波板糖，其實係將豚肉同節瓜一層層疊加再捲起而成，非常有心思。每一啖都食到豚肉滋味同爽脆嘅節瓜，再撈埋鮮艷嘅月見蛋汁，平衝返串燒嘅油膩感，配搭層次豐富，整體十分推薦。😋.提燈(日) 💲38/串 ⭐️4/5⭐️今次特別想試埋提燈，一隻雞只有一串咁話，橙黃色嘅圓粒係未孵化嘅蛋，而連住嘅就係雞嘅卵巢，因為好似拎住燈籠咁而得名，入口就似烚蛋蛋黃嘅質感，偏向粉稔，同時食到好香濃嘅蛋味，而下面卵巢就似雞頸肉咁比較乾爽，整體嚟講口味唔係我杯茶，但鐘意試新野嘅朋友可以一戰。.鹹蛋黃煎墨魚餅(堂) 💲68/份 ⭐️4.3/5⭐️邪惡嘅鹹蛋黃配上香口墨魚餅，兩樣食材融合得相得益彰，份量有一大隻手掌，備有刀叉可以自行切件，墨魚餅入口惹味咸香，爽滑彈牙，中間仲有墨魚粒增加口感，惹味之選，必點推薦。😶🌫️✥海鮮蒜蓉燒廣島蠔2隻(日) 💲44/份 ⭐️4/5⭐️廣島蠔鮮甜飽滿，性價比高，配上香蔥同大量蒜蓉一齊入口非常滋味。.黃花魚一夜干(日) 💲98/條 ⭐️4.2/5⭐️餐廳雖然以串燒為主打，但亦有提供燒魚，而且亦非常高質，黃花魚原條上枱，兩個人食份量啱啱好，魚肉質感爽嫩乾身，原汁原味入口已經食到咸鮮味，想再豐富D亦可以點上泰式酸汁或日式鰹魚豉油，更加惹味。😶🌫️𖥕甜品日本芝士年糕(日) 💲38/份 ⭐️4.1/5⭐️年糕燒至微焦，外脆內嫩內餡芝士棉密，煙韌香滑，滿足。.黑糖燒菠蘿(冷&港) 💲20/串 ⭐️4.1/5⭐️最後當然要食返D凍野冰涼下，揀咗黑糖燒菠蘿串，燒菠蘿掛滿左冰凍嘅冰糖糖漿，造成表面冰脆，菠蘿本身味道已經香甜多汁，兩者融合口感更加吸引，亦都推薦。➰總結餐廳以串燒作主打，提供大眾化價錢而又高質嘅串燒出品，選擇款式眾多，又有心思地設計唔同燒法迎合客人口味，更加有自家主打串燒既吸引又有特色，加上啤酒優惠可以比大家開懷暢飲，非常推薦比三五知己或者情侶一齊黎開餐。➿➿➿
繼續閱讀
菠蘿可爾必思$28好味指數：9.5/10次次嚟親都好鍾意飲呢杯嘢🍹，因為佢啲菠蘿肉係新鮮🍍菠蘿肉，溝埋可爾必思酸酸甜甜🤩好開胃，而且仲好大杯添。麻辣免治雞肉軟骨釀冬菇$28 / 串好味指數：8/10辣辣哋嘅免治雞肉軟骨，口感有🦷咬口，再將佢哋襄落冬菇度，菜式新穎，亦可以帶出冬菇🍄嘅鮮味。鹽燒原塊雞皮$22 / 串好味指數：9.5/10食過咁多間嘅雞皮🐔都係呢間最好食，燒到脆卜卜，而且好大塊，加少少鹽🧂已經係好好食。雞皮係最邪惡嘅食物，廚師攤開嚟燒🔥仲要整到佢唔爛，其實都要有返咁上下功夫。鹽燒豚肉荔枝卷$22 / 串好味指數：9.5/10豚肉🐷嘅油份，再加埋荔枝嘅酸味中和⚖️得啱啱好，咬落去荔枝都好多汁💦，酸酸甜甜精華咗整串串燒。雞皮墨魚滑$38 / 串好味指數：9/10重點推介‼️次次黎都要一人一串，雞皮燒到脆卜卜脆，包住啖啖肉嘅🦑墨魚滑，墨魚滑入邊仲有少少墨魚粒，所以口感豐富，少少鹹鹹地😋好好味。麻辣手釣墨魚鬚$22 / 串好味指數：9/10魷魚鬚🐙肥嘟嘟，有口感，加埋麻辣🌶️醬汁去燒更加惹味，而且墨魚鬚爽口唔會韌。蒜蓉燒廣島蠔$44 / 2隻好味指數：9.5/10火候控制得啱啱好，加咗大量蒜蓉🧄蔥花，而且生蠔🦪本身肥美，兩隻都好大隻，呢個真心抵食。而且食過幾次呢度嘅燒海鮮，其實都幾唔錯，好新鮮。麻辣玉米筍$16 / 串好味指數：9/10粟米🌽係我嘅至愛，就算食串燒又點少得，加埋麻辣醬去燒別有一番風味，極度推薦🤙🏽大家試吓呢個。牛油蒜蓉焗雜菇$38 / 份好味指數：8/10正常發揮，只係覺得份量比以前少🤏🏽咗啲啲，但係都覺得好惹味，而且用咗大量調味料🧈🧄，所以好入味。
繼續閱讀
🥰🥰位於tst人氣串燒店🫴🏻有得撰坐室外定室內😁夜晚通常比較full 建議早幾日book定位！牛油蒜蓉雜菇🧈蒜蓉同牛油唔夠多，味道不過不失。海苔黑豚肉鵪鶉蛋🥚黑豚肉片好薄，海苔有幾塊碎碎咁，基本上係食到鵪鶉蛋既味。魷魚鬚🦑叫左麻辣，麻辣適中，味濃，唔食得辣既建議食返其他味。豚肉蘆筍🐷豚肉片好薄好薄，蘆筍比較韌身，自己比較鍾意拆返開黎細細撮咁食😹雞軟骨🐔正正常常，如果脆身d就更香口沖繩黑糖燒菠蘿🫶🏻個人覺得必叫，好好食，菠蘿切離皮，食落好方便，菠蘿無渣又甜又好食😻豚肉荔枝卷👍🏻最愛之一，雖然有時烤得燶左，但荔枝x豚肉其實好夾好juicy
繼續閱讀
食過幾間燒烤串燒店，暫時覺得呢間最高質，好多嘢食揀，全部都好味，我諗我會再嚟今次叫咗勁多嘢食，推介一啲特別又好食嘅俾大家🍞甜奶牛油包💰$18呢份係店員特別推介嘅，雖然只係我哋由細食到大嘅奶油豬，但無可否認佢真係好好食，包有少少麥嘅成份，所以比較有咬口，加咗煉奶同埋牛油簡直係一絕🍏焦糖青蘋果鴨肝多士💰$88好鍾意食鴨肝多士，呢個加咗青蘋果同埋少少焦糖食落味道豐富，亦都冇咁油膩，多士脆口，特別配合🥢蒜蓉燒蟶子💰$68🥢芝士燒元貝💰$68🦪芝士燒廣島蠔💰$48三款海鮮都好好食，芝士燒元貝非常香，好多芝士，有芝士鹹香味；蒜蓉燒蟶子口感熟度啱啱好，好鮮味🥢鹹蛋黃醬墨魚餅💰$68呢款亦都係店員推介嘅，幾特別，煎墨西哥餅上多咗層鹹蛋黃醬，味道有層次幾香🐟鹽燒白鱔💰$48必食！爽口又香，魚油正🍢孜然豚肉芫荽卷💰$22🍢鹽燒豚肉荔枝卷💰$22兩款都好惹味，好鐘意芫荽，又鐘意荔枝濕潤感🐥鹽燒原塊雞皮💰$22第一次食成塊燒雞皮，脆到薯片咁🐥汁燒免治雞肉軟骨棒 配月見汁💰$38口感好食，拮穿成粒蛋黃同醬油混合就係月見汁啦，點埋月見汁仲好食更滑溜🐠黃花魚一夜干💰$98黃花魚燒到好脆，好香口🍍蜜糖燒菠蘿💰$36燒物必食！好多汁又甜💰$1167/2ppl🚩燒烤堂 (尖沙咀)📍尖沙咀厚福街12號藍馬商業大廈5樓
繼續閱讀