燒烤堂

尖沙咀 暢飲歡聚首選串燒專門店🍻燒烤堂📍尖沙咀厚福街12號藍馬商業大廈5樓➰好歌推介「也許會有一天，世界真的有終點，也要和你舉起回憶釀的甜，和你再乾一杯。」#乾杯 #五月天➰近排公司啱啱接左一單比較複雜嘅Project，成個星期都係追趕進度，難得今日可以準時收工，即刻約朋友出嚟吐下苦水，排難解憂一下。.朋友就話想食串燒飲下酒，我理所當然就推介左燒烤堂，依間都係我飯堂之選之一，串燒出品高質價錢公道而且可以同朋友開懷暢飲，甚至有時紅館睇Show之前想食餐豐富晚餐都非常推薦。.餐廳位於厚福街，距離尖沙咀站約5分鐘路程，平日夜晚都人潮滿坐，試過Walk in係完全無位，所以好建議打留話預訂咗先，餐廳裝修以木系居酒屋格調為主，室內燈光偏暗頗有情調，仲有戶外有蓋露台座位，環境會更熱鬧。➰飲品 𖥕Sapporo Premium Draft Beer 💲48(Buy one get one free!) ⭐️4.2/5⭐️餐廳飲品選擇款式都多，酒類選項有清酒，HighBall等，亦有無酒精飲品提供。但當中最高性價比就不得不推介Sapporo生啤，長期推廣買一送一優惠，生啤入口冰爽順喉，非常滿足，想暢飲嘅朋友不容錯過。🍻➰Menu菜式款式五花八門，種類繁多，而且餐廳好有心思地為每款都配搭唔同風味燒制，如日/西/川式燒烤方式等，以下重點推介本人認為必點及高度推薦菜式。✥前菜味淋魚乾(日) 💲48/份 ⭐️4.1/5⭐️率先出場就係日式嘅味淋魚乾，微焦帶甜有咬口，仲配有沙律醬，係一邊飲酒一邊傾計食野一流嘅小食。😋.桂花蜜糖本地冷蕃茄(西) 💲28/份 ⭐️4.1/5⭐️蕃茄已經預先切片，西餐處理方法浸泡係桂花蜜糖汁入面，入口甜中帶酸，仲有食到梅子粉調味，係好開胃嘅前菜。𖥕串燒厚切鹽燒牛舌腩(日) 💲48/串 ⭐️4.2/5⭐️牛舌中最珍貴同最好味嘅部分，肥美軟腍，加上厚切有彈性而且軟嫩多汁，入口豐富嘅油花回蕩，好滋味，牛舌控不容錯過。😋.汁燒橫隔里肌(日) 💲28/串 ⭐️4.1/5⭐️牛味濃郁，脂肪含量少，入口淡淡肉已經偏軟腍，好滋味。.鹽燒赤雞頸肉(日) 💲22/串 ⭐️4.1/5⭐️雞頸肉亦比較少見，同平時食嘅雞腿肉串燒分別幾大，爽韌有咬口，係一種新嘅體驗，推薦一試。❀必食推介鹽燒原塊雞皮(堂) 💲22/串 ⭐️4.3/5⭐️燒烤堂嘅自家製作推薦，係我第一次被依間串燒店吸引嘅重點，亦都係每次必點之作，香港少有餐廳將雞皮可以燒至極薄極脆，撻開每塊有手掌大細，有住薯片脆口一咬即碎嘅口感，入口散發淡淡雞油香氣，配搭鹽燒調味，送酒一流必點推介。😋.豚肉節瓜波板糖(附月見)(堂) 💲38/份 ⭐️4.3/5⭐️外形似足波板糖，其實係將豚肉同節瓜一層層疊加再捲起而成，非常有心思。每一啖都食到豚肉滋味同爽脆嘅節瓜，再撈埋鮮艷嘅月見蛋汁，平衝返串燒嘅油膩感，配搭層次豐富，整體十分推薦。😋.提燈(日) 💲38/串 ⭐️4/5⭐️今次特別想試埋提燈，一隻雞只有一串咁話，橙黃色嘅圓粒係未孵化嘅蛋，而連住嘅就係雞嘅卵巢，因為好似拎住燈籠咁而得名，入口就似烚蛋蛋黃嘅質感，偏向粉稔，同時食到好香濃嘅蛋味，而下面卵巢就似雞頸肉咁比較乾爽，整體嚟講口味唔係我杯茶，但鐘意試新野嘅朋友可以一戰。.鹹蛋黃煎墨魚餅(堂) 💲68/份 ⭐️4.3/5⭐️邪惡嘅鹹蛋黃配上香口墨魚餅，兩樣食材融合得相得益彰，份量有一大隻手掌，備有刀叉可以自行切件，墨魚餅入口惹味咸香，爽滑彈牙，中間仲有墨魚粒增加口感，惹味之選，必點推薦。😶‍🌫️✥海鮮蒜蓉燒廣島蠔2隻(日) 💲44/份 ⭐️4/5⭐️廣島蠔鮮甜飽滿，性價比高，配上香蔥同大量蒜蓉一齊入口非常滋味。.黃花魚一夜干(日) 💲98/條 ⭐️4.2/5⭐️餐廳雖然以串燒為主打，但亦有提供燒魚，而且亦非常高質，黃花魚原條上枱，兩個人食份量啱啱好，魚肉質感爽嫩乾身，原汁原味入口已經食到咸鮮味，想再豐富D亦可以點上泰式酸汁或日式鰹魚豉油，更加惹味。😶‍🌫️𖥕甜品日本芝士年糕(日) 💲38/份 ⭐️4.1/5⭐️年糕燒至微焦，外脆內嫩內餡芝士棉密，煙韌香滑，滿足。.黑糖燒菠蘿(冷&港) 💲20/串 ⭐️4.1/5⭐️最後當然要食返D凍野冰涼下，揀咗黑糖燒菠蘿串，燒菠蘿掛滿左冰凍嘅冰糖糖漿，造成表面冰脆，菠蘿本身味道已經香甜多汁，兩者融合口感更加吸引，亦都推薦。➰總結餐廳以串燒作主打，提供大眾化價錢而又高質嘅串燒出品，選擇款式眾多，又有心思地設計唔同燒法迎合客人口味，更加有自家主打串燒既吸引又有特色，加上啤酒優惠可以比大家開懷暢飲，非常推薦比三五知己或者情侶一齊黎開餐。➿➿➿…查看更多

晚市堂食恢復後，窩夫相約舊同事吃飯，選了尖沙咀的燒烤堂。雖然燒烤堂不只提供日式燒烤，它的入口裝修偏日式。訂座時已預留了兩款海鮮(蟶子和元貝)，坐下來再看餐牌落單。雖然餐牌上部分食品重覆出現在不同分類，但食物選擇都算不少。蟶子(每隻$48)選了蒜蓉燒的煮法，炸蒜份量足，味道剛剛好，不會蓋過蟶子的鮮味，蟶子新鮮大大隻，令窩夫對燒烤堂的第一印象相當不錯。焦糖青蘋果鵝肝多士($78)是十大必食推介之一，青蘋果的酸中和了鵝肝的油膩感，配上香脆多士，口感豐富。厚切鹽燒牛舌腩(每串$48)爽口彈牙，愛吃牛舌的朋友必點。鹽燒原塊雞皮(每串$22)大大塊薄薄的，燒得香脆，口感有點像薯片，值得一試 。元貝(每隻$48)選了用芝士燒，芝士份量超多，做到拉絲芝士的效果，芝士控應該很滿足，不過味道稍嫌過鹹。吃串燒不能不點的孜然燒蒜蓉茄子($36)，似乎很難會失手。蒜蓉燒廣島蠔($44)一份有兩隻，脹卜卜的，蠔汁豐富，鮮味十足。鹹蛋黃煎墨魚餅($68)的墨魚餅應該是自家製的，真材實料，有很多墨魚粒，煎得很香口，墨魚餅上加了鹹蛋黃醬，令味道更有層次。第二輪落單，先來海苔黑豚肉鵪鶉蛋(每串$28)，上桌時只看到一大堆海苔。牛油果豚肉卷(每串$28)是另一款十大必食推介之一，平日較少吃熱的牛油果，味道不特别濃。牛油芝士焗雜菇($42)好像沒芝士燒元貝那麼鹹。壓軸的是蜜糖燒菠蘿(每串$18)，香甜多汁，為豐富的串燒晚餐劃上完美句號。…查看更多

第二次幫襯呢間係厚福街嘅串燒店 @skewer.kitchen_tst ，依然驚喜十足好想快啲推薦比大家(•̀ᴗ•́)و之前試過星期六嘅夜晚嚟到完全等唔到位，今次星期日夜晚反而完全唔使等位🤣唔係好觸摸到人流，所以都係建議大家𝗯𝗼𝗼𝗸定位，咁就一定有得食啦！餐廳有室內同室外位置，兩邊氣氛都唔錯，我哋見依加夜晚仲涼涼地，所以坐咗喺室外位置，好舒服，一啲都唔會話熱！印象中我哋第一次嚟等咗差唔多九個字先有野食，所以今次一次過嗌咗好多，點知唔夠15分鐘就一次過上枱，所以我都係建議大家幾串幾串咁叫，咁就唔怕啲串燒凍哂啦！整體食物質素真心高！今次嗌嘅每一樣野都好好食，完全無伏( ˘ ³˘)♥︎ღ 雞皮墨魚滑 $𝟯𝟴香脆嘅雞皮包住爽口彈牙嘅墨魚滑，又一個必食！！╰┈➤ 𝘁𝗮𝘀𝘁𝗲: 𝟴.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 鹽燒原塊雞皮 $𝟮𝟮一年前第一次食燒雞皮就係喺呢度，之後食過好幾間串燒店都係覺得呢度嘅最正！大大磈，又薄又碎，必食！╰┈➤ 𝘁𝗮𝘀𝘁𝗲: 𝟴.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 汁燒免治雞肉軟骨棒 付月見 $𝟯𝟬一年前嚟呢度食過後，到而家仲回味緊！所以今次同男朋友決定一人一串(•̀ᴗ•́)و 雞軟骨同雞肉口感夾雜埋一齊好正，再點埋蛋汁𝙮𝙪𝙢𝙮𝙪𝙢!╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟴/𝟭𝟬ღ 燒飯團 $𝟯𝟴今次試咗兩款唔同嘅燒飯團；明太子同蟹膏～兩款嘅醬汁都超惹味！飯團邊邊位燒到香脆，中間飯粒粒粒分明。怕食串燒食唔飽嘅朋友，一定要點多幾個飯團食啊！╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟮/𝟭𝟬ღ 厚切鹽燒牛舌腩 $𝟰𝟴雖然$48一串真係好貴，但真係好正好好食！牛舌腩好厚身，口感爽口彈牙，完全唔韌！╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟮/𝟭𝟬ღ 中切鹽燒牛舌芯 $𝟮𝟴牛舌芯好嫩，同樣爽口彈牙，性價比好高！╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟱/𝟭𝟬ღ 𝙋𝙧𝙞𝙢𝙚 牛小排 $𝟯𝟴燒得好香口，調味剛好嘅同時又會食到牛肉本身嘅肉香。╰┈➤ 𝘁𝗮𝘀𝘁𝗲: 𝟳.𝟲/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳/𝟭𝟬ღ 鹽燒阿波尾七里香又係上次覺得好好食，今次要一人一串～食一口會食到雞軟骨嘅口感，好香口！╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 焦糖鰻魚芝士玉子燒 $𝟮𝟴面頭有薄薄一層嘅焦糖，焦糖嘅甜同玉子嘅甜好夾，再加埋芝士嘅鹹香，好食！╰┈➤ 𝘁𝗮𝘀𝘁𝗲: 𝟳.𝟲/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟱/𝟭𝟬ღ 日本芝士年糕 $𝟯𝟴鍾意食煙韌野的話，可以揀佢來做甜品！年糕裏面包住嘅芝士都係甜甜地，個人覺得唔需要點煉奶都好好食！╰┈➤ 𝘁𝗮𝘀𝘁𝗲: 𝟳.𝟱/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟮/𝟭𝟬ღ 黑糖燒菠蘿 $𝟮𝟬呢一款燒菠蘿係凍凍地㗎！適合用來做甜品～菠蘿嘅清甜同外層嘅黑糖好夾！╰┈➤ 𝘁𝗮𝘀𝘁𝗲: 𝟳.𝟱/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳/𝟭𝟬燒烤堂 ✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟳.𝟴/𝟭𝟬✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟴/𝟭𝟬✵ 𝒑𝒓𝒊𝒄𝒆 𝒓𝒂𝒏𝒈𝒆 • 𝒂𝒇𝒇𝒐𝒓𝒅𝒂𝒃𝒊𝒍𝒊𝒕𝒚 𝟳.𝟮/𝟭𝟬╰┈➤ $𝟯𝟬𝟬/𝗽𝗽✵ 𝒔𝒆𝒓𝒗𝒊𝒄𝒆 𝟳.𝟴/𝟭𝟬✵ 𝒓𝒆𝒗𝒊𝒔𝒊𝒕 ʏᴇs ✓✵ 𝒓𝒆𝒎𝒂𝒓𝒌𝒔╰┈➤ 記得要book位啊!!😇…查看更多

🥢尖沙咀抵飲啤酒超多款式高質串燒店🥢好耐無同朋友出去飲酒食串燒了，之前食過的一間超讚的串燒店，原來尖沙咀厚福街都有分店，呢間分店最正係除咗有室內，仲有室外露天茶座可選擇，感覺環境很舒適很適合同朋友傾計🥢椒鹽菜脯肉釀豆腐 $38呢個係店員推介的新菜式，一客有五件的菜脯肉釀豆腐，會跟一碟月見汁伴吃，咬落咔一聲燒得很脆口，鐘意食脆口野必點🥢鹽燒原塊雞皮 $22令我成日心掛掛這間燒烤店的一個串燒，就一定係呢串脆脆鹽燒燒雞皮，雞皮大大一塊，擁有薯片嘅口感，非常之香脆而不膩，雞皮燒到呢個脆度又不乾，不得不讚師傅的功力🥢汁燒免治雞肉軟骨（付月見）$30必點的一個雞肉串，質感有軟骨的咬口又有，點日式月見醬汁甜甜又滑溜，味道非常突出🥢汁燒赤雞肝 $20朋友最鐘意食呢到的雞肝，燒得有肉汁之餘，日式燒汁甜甜的加上散雞肝獨有的香氣，非常夾🥢厚切鹽燒牛舌腩 $23牛舌最好味的部分一定係牛舌腩，食落爽口又有牛舌的豐厚的口感，而且呢串價錢超抵食🥢鹽燒白鱔 $48白鱔用上魚的腩位，油脂豐富又夠爽彈🥢鹽燒喜之次 $118喜之次是由日本直送的，魚肉很滑溜🥢麻辣手釣墨魚鬚 $22墨魚鬚用上麻辣味道，少少辣很惹味🥢蒜蓉燒廣島蠔 $42食燒烤離不開要食的燒蠔，生蠔漲卜卜的很多汁🥢川燒活元貝 $48大大隻的新鮮元貝很抵食，重點元貝軟滑而且伴有粉絲，吸曬元貝及醬油精華，呢個必食🥢川燒活鮑魚（兩隻）$58鮑魚是一客兩隻咁抵食，所以了兩客，鮑魚燒得的火喉剛剛好肉質很軟熟，川燒的味道帶點孜然香氣辣辣的很惹味🥢焦糖鰻魚芝士玉子燒 $28又係必食的一款，軟滑多汁的玉子蛋，入層包裹了魚氣十足的鰻魚，表層🥢燒萵荀伴蟹膏 $26蟹膏的鮮萵荀猴爽的口感，感覺幾有趣的配搭🥢麻辣蒜蓉茄子 $32辣辣的燒茄子，很軟滑很香蒜蓉味🥢明太子燒飯團 $38明太子醬配合燒得香口的飯團，最鐘意塊紫菜勁脆🥢日本芝士年糕 (2件）$38軟糯鬆軟的芝士年糕，配上美味甜甜的煉奶作結，咸咸甜甜的感覺很滿足🍺Sappporo 生啤（買一送一）$48🥢仍然是我心目中最喜愛的燒烤店，串燒款式實在太多，次次來食都花多眼亂樣樣都想食，尖沙咀呢間有露天茶座，感覺更闊落舒適，所以同朋友一嘆啤酒一邊嘆食串燒的好地方燒烤堂地址: 尖沙咀厚福街12號藍馬商業大廈5樓…查看更多