3
0
2
等級7
2024-05-31 250 瀏覽
大肥爸爸友人誠意推介灣仔樓上中餐廳「味閣」,小肥循例上網搵料時,發現自己原來六年前開張之時已經幫襯過,仲好罕有地寫咗篇清一色一分嘅喊評,梗係叫佢三思啦!細閱過評論後,長輩即告知店子成個班底已經唔同哂,力勸細姪俾多次機會試試個晚餐先,或許會帶黎驚喜咁話;肥肥家族都算反應快,二話不說即訂位週五晚去試。派對被安排於十六樓新增設嘅私人廂房內進行,私人空間足,衛生企理,舒適得很。而且有足夠位置擺放隨身物。全店免收開瓶費,連醒酒瓶都好齊備,酒鬼們當然係自己帶酒啦!九男女飯局嘅菜單交由廚師發辦,剛剛好合共十道菜,莫非係寓意著十全十美?!每位席上都擺有齊備嘅自用及公用餐具。餐前小食之涼拌海蜇皮:第一味涼拌海蜇皮修長爽脆,唯一大家食前都唔知(亦睇唔出)開胃前菜暗帶麻辣。小弟愚見,菜單上應註明麻辣之外,服務生亦可於上菜時加以提點。餐前小食之椒鹽鮮鮑粒:熱辣辣嘅椒鹽鮑魚細細粒、容易食,炸漿唔會過厚之餘,皮脆鮑彈牙,香口尤甚,送酒一流!餐前小食之慢煮滷水鵝肝:如相所示,鵝肝厚薄均勻有光澤,食落柔潤不溜滯,講真比坊間好多潮州舖做得好,只係小肥曾經食過更好嘅,所以難免會比下去。餐前小食之荔枝蝦球:四款前菜中,最有
更多
大肥爸爸友人誠意推介灣仔樓上中餐廳「味閣」,小肥循例上網搵料時,發現自己原來六年前開張之時已經幫襯過,仲好罕有地寫咗篇清一色一分嘅喊評
,梗係叫佢三思啦!細閱過評論後,長輩即告知店子成個班底已經唔同哂,力勸細姪俾多次機會試試個晚餐先,或許會帶黎驚喜咁話;肥肥家族都算反應快,二話不說即訂位週五晚去試
4 瀏覽
1 讚好
0 留言
派對被安排於十六樓新增設嘅私人廂房內進行,私人空間足,衛生企理,舒適得很。
8 瀏覽
1 讚好
0 留言
而且有足夠位置擺放隨身物。
6 瀏覽
1 讚好
0 留言
全店免收開瓶費
,連醒酒瓶都好齊備,酒鬼們當然係自己帶酒啦!
5 瀏覽
1 讚好
0 留言
九男女飯局嘅菜單交由廚師發辦
,剛剛好合共十道菜,莫非係寓意著十全十美?!
38 瀏覽
2 讚好
0 留言
每位席上都擺有齊備嘅自用及公用餐具。
11 瀏覽
1 讚好
0 留言
餐前小食之涼拌海蜇皮:第一味涼拌海蜇皮修長爽脆,唯一大家食前都唔知(亦睇唔出)開胃前菜暗帶麻辣
。小弟愚見,菜單上應註明麻辣之外,服務生亦可於上菜時加以提點
涼拌海蜇皮
6 瀏覽
1 讚好
0 留言
餐前小食之椒鹽鮮鮑粒:熱辣辣嘅椒鹽鮑魚細細粒、容易食,炸漿唔會過厚之餘,皮脆鮑彈牙,香口尤甚,送酒一流!
椒鹽鮮鮑粒
5 瀏覽
1 讚好
0 留言
餐前小食之慢煮滷水鵝肝:如相所示,鵝肝厚薄均勻有光澤,食落柔潤不溜滯,講真比坊間好多潮州舖做得好,只係小肥曾經食過更好嘅,所以難免會比下去。
慢煮滷水鵝肝
3 瀏覽
1 讚好
0 留言
餐前小食之荔枝蝦球:四款前菜中,最有特色必選勁逼真嘅荔枝蝦球
荔枝蝦球
9 瀏覽
1 讚好
0 留言
菂薂嘅荔枝球凹凸不平嘅外皮鬆化巧脆,而且絲毫不油膩,入面舊白雪雪嘅蝦球軟嫩甜美
,必吃推介也!
荔枝蝦球
10 瀏覽
1 讚好
0 留言
羊肚菌响螺燉雞湯:原盅上嘅雞湯每盅都有隻腍滑嘅雞腳、煙韌有嚼口嘅响螺肉及脆嫩嘅羊肚菌,清甜足料。
羊肚菌响螺燉雞湯
2 瀏覽
1 讚好
0 留言
花雕雞油蒸花蟹(陳村粉底):大肥大讚蟹蟹鮮甜無比,厚身得黎啲好滑,美中不足係個花雕香唔係好出,如果可以多啲汁同陳村粉,效果應更佳。
花雕雞油蒸花蟹(陳村粉底)
4 瀏覽
1 讚好
0 留言
花雕雞油蒸花蟹(陳村粉底)
4 瀏覽
1 讚好
0 留言
紅燒安格斯牛肋骨:已預先切好一件件嘅牛肋骨肉嘅肌肉脂肪比例恰到好處,安格斯靚牛腍身得黎好鬆爽
,肉香多汁調味濃,盡顯多層次嘅美感。
紅燒安格斯牛肋骨
3 瀏覽
1 讚好
0 留言
葡汁焗蟹蓋蟹蓋深啡色嘅賣相或許唔係咁吸引,但卻贏得席上所有長輩嘅誇獎,因為蟹蓋上枱時夠熱,入面有足量幼嫩嘅蟹肉
,而並非塞滿其他食材,帶有微微辣勁嘅葡汁惹味得黎食完都唔會覺得溜。
葡汁焗蟹蓋
4 瀏覽
1 讚好
0 留言
龍蝦球蒸蛋白:大家冇睇錯,橙亮嘅菜式的而且確係蒸蛋白,只係蛋白上多咗層南瓜汁而已。墊底嘅蛋白十分軟滑,已去殼嘅龍蝦肉亦爽脆彈牙,個人自係略嫌甜濃嘅南瓜汁搶走哂龍蝦本身應有嘅鮮甜。
龍蝦球蒸蛋白
3 瀏覽
1 讚好
0 留言
鮑汁刺參琵琶豆腐:用煲上嘅刺參琵琶豆腐熱力十足,而且仲入哂味,當中刺參Q彈可口
琵琶豆腐香潤甜美,伴配厚潤嘅冬菇更顯矜貴。
鮑汁刺參琵琶豆腐
1 瀏覽
1 讚好
0 留言
脆皮炸子雞:炸至紅噹噹嘅招牌靚雞皮層脆薄脂肪少,雞胸肉一啲都唔嚡唔乾,如果有得食埋啲雜就更加完美啦!
脆皮炸子雞
5 瀏覽
1 讚好
0 留言
黑松露海皇炒飯:成座小山丘嘅炒飯絕對稱得上為勁量級呀
!散發出陣陣松露香金黃炒飯乾濕度適中,最正係所選用嘅蝦仁粒粒肥潤爽甜,溢滿鮮香。
黑松露海皇炒飯
2 瀏覽
1 讚好
0 留言
水果盆:結尾嘅哈密瓜清脆爽甜。
水果盆
3 瀏覽
1 讚好
0 留言
楊枝甘露:楊枝甘露尚算濃滑,內含甜甜嘅芒果肉同酸甜嘅柚子肉,只係飲咗酒嘅人未必會想飲糖水,建議師傅可以轉做固體嘅小甜點代替。
楊枝甘露
4 瀏覽
1 讚好
0 留言
灣仔樓上中菜館「味閣」疫後改變經營策略,煥然一新嘅廂房式設計成功提升舒適度
!店子雖則有點兒人手不足,但勝在服務生友善落力,大廚發辦嘅十道菜海陸晚宴優質精美,價格合理,全方位嘅升呢足以令XO仔重新寫出笑評
,除咗想表示改觀之外,其實都想加以鼓勵一番,支持有心食肆!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2024-05-24
用餐途徑
堂食
人均消費
$935 (晚餐)
推介美食
椒鹽鮮鮑粒
慢煮滷水鵝肝
荔枝蝦球
荔枝蝦球
羊肚菌响螺燉雞湯
花雕雞油蒸花蟹(陳村粉底)
花雕雞油蒸花蟹(陳村粉底)
紅燒安格斯牛肋骨
葡汁焗蟹蓋
龍蝦球蒸蛋白
鮑汁刺參琵琶豆腐
脆皮炸子雞
黑松露海皇炒飯