吉列牛忌廉烏冬專門店 (彌敦道) (已結業)

唔講唔知，我仔仔係烏冬痴， 成日都要我煮烏冬比佢食，但本身我又麻麻地鍾意食。今次就比我發現旺角呢間 kobekyu 就有齊我同仔仔鍾意食的野唔洗爭食了。先講阿仔我幫佢叫左個咖哩忌廉牛烏冬， 送到來時， 仔仔O咀話，點解咩都冇， 上面咁白， 我笑一笑就叫佢試下自己拌勻， 佢一拌就笑起上來話， 好野有咖哩架， 仲要唔太辣，我最鍾意，多謝媽咪。阿媽就緊係知你口味啦！而我就叫左我最喜歡的吉列牛定食， 呢到基本上每枱都必點的， 佢牛味都算濃，仲附上芥末， 燒汁咁比我點來食， 牛同芥末真係好夾，點dd 已經帶出牛的鮮味。呢到定食的飯上都加左飯素， 幾有心思。而小食方面就叫左牛油蜜糖單骨雞翼， 岩哂小朋友食，單骨夠哂方便而且易入味， 每條都沾滿蜜糖，簡單得來幾好味。呢間唔錯，仔仔話下次要再來。