浪．居酒屋 (已結業)

同老死行完希慎,行過去登龍街揾食集中地 食飯,記得朋友介紹有間新開既日本野Nami Izakaya上到餐廰,地方好寬落，好有日本居酒屋格調，真係一解香港人冇得返鄉下的思鄉病。讚見到餐牌，真係不得了，串燒，壽司，天婦囉，和牛，手卷咩到齊，可惜得兩個人，唯有食住幾樣解解日本之苦啦，哈哈龍蝦蟹子沙律，真係色香味俱存，龍蝦份量足，啖啖肉兼爽口弹牙，配埋蟹子，口感味十足，龍蝦鮮甜，蟹子有種海水味，味蕾大刺激，卷埋紫菜，又多一重口感，正。軟殼蟹牛油果卷，唔同出面個D，軟殼蟹剛炸完，仲係熱既，卜卜脆，加埋好多片牛油果，再包住D飯，用心之作，好有家feel海膽帶子大葉天婦羅,特色嘢，樣靚仔，身材豐滿,味道鮮，海膽大大一片，鮮甜無比，入口即溶，下面帶子超大隻，海膽加帶子超夾，鮮加甜，絕配。吉烈廣島蠔，雖然係吉烈但绝對唔係粉加蠔，外層薄薄粉包住，炸到金黃色，食落松化一D油膩都冇，超正食埋個甜品，菠蘿雪葩真係大滿足!