桂花小幸 (元朗廣場)

營業中

休息中

而家疫情去唔到旅遊，想去台灣唯有去d台式餐廳食左當去左。今次呢間位置都幾方便，朗屏站行5分鐘左右就到，位於元朗廣場嘅地下。除咗餐廳之外，門口都有個專賣外賣茶飲嘅counter。店嘅人流都算幾多，好在時間早等左一陣就有位。首先叫左滷水蛋滷肉飯套餐，小食配手拍小黃瓜同涼拌黑醋茄子，肉同飯嘅比例均衡，配搭住小食酸酸辣辣咁好開胃。然後叫左d小食，首先台灣烤香腸，幾有台式腸風味，香口又夠味，美中不足係缺少左生蒜片；然後有桂花雞翼同鹽酥雞扒，炸得幾金黃同埋夠熱。飲品叫左百香多多梳打同蜜桃烏龍多多，係以平時外賣杯形式咁上，大大杯又夠凍，個人叫左少甜覺得甜度都夠。