La Mensa Grill & Bar (Plaza 88)

營業中

休息中

話說離開荃灣西學跳舞，經過呢一間西餐，諗住試試佢嘅set lunch。是日沙律係泰式沙律酸酸辣辣幾好食，唔會青BB淡而無味。小食有沙嗲雞肉串好少見人哋西餐午餐會包個小食，而且係沙嗲雞肉串，餐廳西餐得黎幾有南亞風格。主菜叫咗沙朗牛扒叫咗七成熟。 可惜只可以揀薯條冇得揀白飯或者意粉。 朋友話薯條都幾趣幾好食。最後仲有個甜品同嘢飲嘢飲叫咗個普通嘅凍檸茶。甜品方面日日都唔同，我今次就係一個香橙忌廉蛋糕。朋友就叫咗個肉醬千層麵呢個千層麵超級邪惡，表面超多芝士，配埋濃郁嘅蕃茄醬同肉碎，非常重口味，食晒成個非常飽肚。