影片
更多
2018-09-09
78 瀏覽
最鍾意試新嘢嘅我，聽聞深水埗開咗一間用蕃茄湯底嘅麵店，我立即急不及待去試下。星期五嘅晚上到達餐廳嘅時間比較早， 當我坐低冇幾耐 店內已經坐滿客人，一入到去就比餐廳色彩繽紛嘅餐牌食具吸引住了。 餐牌上有五款招牌麵， 包括有犇犇有禮，鮮氣逼人，一貝子，滑一滑，豚豚圓圓等等。麵底還可以選擇米線，日式拉麵或者烏冬 。小食方便佢有三種炸物可以選擇， 最吸引我就係慢煮小食， 飲品方面就係一些健康有益嘅飲料。今次我點了犇犇有禮 $78，一貝子$68， 70度慢煮麻辣瑞士汁雞中翼 $28， 鮮炸魚片頭 $24， 凍檸檬雪梨露 $18， 熱桂圓紅棗桑寄生茶 $18。 首先講下犇犇有禮，佢嘅食材係用牛面頰，牛坑腩，崩沙腩再加新鮮蕃茄濃湯， 聽聞舖頭每日用30斤蕃茄和30斤牛骨牛腩淆湯的， 食材非常新鮮，唔會用冰鮮牛肉，搵咗香港最強牛肉買手 (牛王莫)取新鮮牯牛肉做餸。 蕃茄湯底真係好足料， 每一啖湯都食到佢滿滿嘅蕃茄蓉，犇犇有禮 選擇咗配拉麵， 麵嘅質地彈口煙韌， 一食落口就知道係高質嘅拉麵，牛腩類有好重嘅牛味香味四溢！一貝子配米線， 超級大粒嘅花甲再加兩粒北海道帶子， 兩樣都好鮮味， 食海鮮最緊要就係夠
今次我點了犇犇有禮 $78，一貝子$68， 70度慢煮麻辣瑞士汁雞中翼 $28， 鮮炸魚片頭 $24， 凍檸檬雪梨露 $18， 熱桂圓紅棗桑寄生茶 $18。
首先講下犇犇有禮，佢嘅食材係用牛面頰，牛坑腩，崩沙腩再加新鮮蕃茄濃湯， 聽聞舖頭每日用30斤蕃茄和30斤牛骨牛腩淆湯的， 食材非常新鮮，唔會用冰鮮牛肉，搵咗香港最強牛肉買手 (牛王莫)取新鮮牯牛肉做餸。 蕃茄湯底真係好足料， 每一啖湯都食到佢滿滿嘅蕃茄蓉，犇犇有禮 選擇咗配拉麵， 麵嘅質地彈口煙韌， 一食落口就知道係高質嘅拉麵，牛腩類有好重嘅牛味香味四溢！
一貝子配米線， 超級大粒嘅花甲再加兩粒北海道帶子， 兩樣都好鮮味， 食海鮮最緊要就係夠新鮮， 再配上香甜嘅蕃茄湯，簡直係必食推介！
70度慢煮麻辣瑞士汁雞翼，入味又嫩口， 不但有香濃嘅瑞士汁味， 食落口仲會慢慢滲出微微嘅麻辣香，惹味但不會太辣。
鮮炸魚片頭， 熱辣辣皮脆彈口再配埋酸辣醬， 唔錯嘅小食。
凍檸檬雪梨露做得幾出色， 入口清新唔太甜， 還有雪梨蓉響入面， 最適合夏天飲用，消暑解渴又滋潤。
熱桂圓紅棗桑寄生茶，個人比較欣賞這些自家製嘅飲料，不但健康還老少咸宜。
總括來說餐廳入面環境雖然不是太大， 但看得出店主用心經營， 不論傢俬，擺設和食具都給客人有色彩繽紛嘅感覺， 餐牌上食物的名字都相當有意思，連濕紙巾都有三種唔同顏色嘅封面。 食物方面全部用新鮮食材， 連飲料都可以看得出是自家製用心做出來的。 雖然是小店，但是店員的服務亦都感覺親切友善， 好欣賞這些用心經營嘅舖頭， 我好快又會再來幫襯啦。
70度慢煮麻辣瑞士汁雞中翼
$28
10 瀏覽
0 讚好
0 留言
炸魚片頭
$24
23 瀏覽
0 讚好
0 留言
犇犇有禮
$78
9 瀏覽
0 讚好
0 留言
一貝子
$68
10 瀏覽
0 讚好
0 留言
桂圓紅棗桑寄生茶 & 檸檬雪梨露
10 瀏覽
0 讚好
0 留言
7 瀏覽
0 讚好
0 留言
張貼
