男女煮角

營業中

休息中

又到放飯的時間了，急急腳行黎呢餐廳。 呢間餐廳外牆貼左一張巨型餐牌作招徠，顏色好搶眼，好似old school髮型鋪咁。 仲擺左個更亭咁既野外面。 平時食飯時間，外面更加係人頭湧湧。呢區食個飯普通都貴，預期之內。 但有時貴得黎，食物質素未必好，而且最重要份量有時唔成比例得緊要。 不過，呢間「平民飯堂」食完起碼夠飽先，頂到去收工。我點了一個梅菜蒸魚飯。 首先舊飯真係夠食，舊魚又大大舊咁。 梅菜唔會太咸，又有咬口。 仲有送左條菜心添。