影片
更多
2019-09-06
98 瀏覽
有啲新式火鍋店會見到好多女仔，佢哋大多數用好特別嘅裝修去吸引客人。但係我都係偏好傳統啲嘅火鍋店，呢一間係大角咀嘅表叔火鍋，由全男班嘅店員，到八成客人都係男士，我身為女仔坐喺度，有種好有趣嘅感覺。但係細個屋企就話男人捨得花錢食好嘢，唔會待薄自己，所以我總覺得見到佢地應該就冇揀錯。佢店內有個游水魚缸，好多食客都係行埋去個魚缸度挑選條魚然後就做原條刺身，我今日都係想食火鍋，先跳過啲活魚刺身。其實望落去真係好吸引。既然想食傳統火鍋，就點兩個簡單啲嘅湯底：蕃茄薯仔湯＋芫荽皮蛋湯，唔似出邊啲湯底得少量食材，佢有好多蕃茄同埋薯仔皮蛋應該唔只有一隻店員話佢哋嘅竹蔗茅根水係自己煲，最啱打邊爐飲又確實幾清甜既然揀咗清淡啲嘅湯底，就梗係要混一個好嘅醬汁啦，芫荽，蔥，蒜蓉，辣椒粒都好新鮮，佢個辣椒油加少少就已經好辣啦！打邊爐最緊要多款式，手切頂級牛頸脊，新鮮雪花紋好靚，焯幾下就食得就食得，有濃厚嘅牛肉味，又軟滑手打墨魚丸同埋蝦丸，蝦丸咬開仲有原隻蝦喺裏面果然真材實料新鮮炸嘅響鈴，上枱嘅時候佢仲暖苙苙，非常之香脆，浸幾秒鐘又得浸耐啲又得，唔同食法都好味點左鳳城水餃同埋黑松露餃子，啖啖肉大大粒，皮薄餡靚，佢話日日
但係我都係偏好傳統啲嘅火鍋店，呢一間係大角咀嘅表叔火鍋，由全男班嘅店員，到八成客人都係男士，我身為女仔坐喺度，有種好有趣嘅感覺。
但係細個屋企就話男人捨得花錢食好嘢，唔會待薄自己，所以我總覺得見到佢地應該就冇揀錯。
佢店內有個游水魚缸，好多食客都係行埋去個魚缸度挑選條魚然後就做原條刺身，我今日都係想食火鍋，先跳過啲活魚刺身。其實望落去真係好吸引。
既然想食傳統火鍋，就點兩個簡單啲嘅湯底：蕃茄薯仔湯＋芫荽皮蛋湯，唔似出邊啲湯底得少量食材，佢有好多蕃茄同埋薯仔皮蛋應該唔只有一隻
店員話佢哋嘅竹蔗茅根水係自己煲，最啱打邊爐飲
又確實幾清甜
既然揀咗清淡啲嘅湯底，就梗係要混一個好嘅醬汁啦，芫荽，蔥，蒜蓉，辣椒粒都好新鮮，佢個辣椒油加少少就已經好辣啦！
打邊爐最緊要多款式，手切頂級牛頸脊，新鮮雪花紋好靚，
焯幾下就食得就食得，有濃厚嘅牛肉味，又軟滑
手打墨魚丸同埋蝦丸，蝦丸咬開仲有原隻蝦喺裏面果然真材實料
新鮮炸嘅響鈴，上枱嘅時候佢仲暖苙苙，非常之香脆，浸幾秒鐘又得浸耐啲又得，唔同食法都好味
點左鳳城水餃同埋黑松露餃子，啖啖肉大大粒，皮薄餡靚，佢話日日新鮮包。
手切黑豚肉唔會太肥，好香，有肉味。
個雜錦蔬菜籃，非常豐富有皇帝菜，唐生菜，白菜仔等大大籃。最後用個湯底煮埋個上海粉皮，非常滿足嘅一餐。
張貼
