Sleepless (已結業)

疫情前已幫襯呢間cafe，睇住佢哋由R&C改名變Sleepless，之前多數堂食。當時小店食物好味、份量適中、價錢合理、服務親切、位置又方便，是週末放鬆的好地方。疫情後見店長告急，話禁晚市搞到要掙扎求存，又見佢哋咁有心搞兩餸飯，於是衝落去買外賣。點知兩次都甩甩漏漏，一次漏嘢、一次原本話15-20分鐘，結果要我哋等咗45分鐘先話做唔切要繼續等。我覺得既然生意唔錯，唔需要我特別支持，就隔咗一排冇幫襯。今日諗起呢間舖頭，見到佢哋更新咗menu，加晒價但種類好似唔同咗，於是又打算幫襯一下。結果買外賣攞到返屋企先發現漏咗一個pasta。打返電話去，佢哋淨係話人手唔夠，只能payme返原價俾我，完全冇誠意道歉。另外嘅食物質素差咗好多、份量又少咗一半，價錢卻貴咗1.5-2倍左右。好失望，佢哋做大咗反而所有嘢都差咗好多。與其店長出去不停接受訪問齋講理念，不如回歸基本步做好本業先啦。我自己幾肯定唔會回頭。