東昇樓海鮮酒家

營業中

休息中

作為東涌人，東昇樓係我由細食到大，細細個d家族聚會都係呢到搞，最出名既其中一樣就係燒腩仔。曾經有一段時間退步左好多，燒腩仔皮不再脆，但最近都回復水準了。東昇樓除左小菜海鮮好掂之外，午餐都好抵食！4x＄有湯有主食有飲品例如有時會有冬蔭功／海鮮湯麵，係真係有好多海鮮！湯底亦唔係味精湯。另一樣最好味既就係籠仔飯，有時有籠仔雞飯，籠仔排骨飯，籠仔豬頸肉飯。清香既荷葉令白飯沾滿香氣，但要早d黎呀，遲少少都會賣曬！食物質素係好，不過唯一要挑剔就係，呢到d女員工好惡，只係問d好正常既問題（唔該前唔該後），都好惡答你。我試過同唔同既人黎，都會有唔同既對待，例如同學生哥黎，態度係會差d，心情好時就會有禮貌d。明白飲食業忙碌起上黎好辛苦，但的確要改善一下服務。