影片
更多
2022-05-08
2310 瀏覽
我哋不嬲好鍾意食上海菜，鍾意佢嘅精緻啲同選擇夠多，咁啱又係母親節咁就出師有名，捉埋兩老拆餐勁嘅🤤 我哋今次揀咗嘅係我哋屋企其中一間嘅飯堂香港老飯店貪佢哋水準高兼且咁多年都保持到👍🏻無錫脆鱔($148)：係江蘇無錫一帶嘅傳統名菜，做法係將鱔肉切絲後再炸。口感脆卜卜，醬汁味道似糖醋排骨，要襯熱食，因為凍咗會黐埋一舊😂脆蜇頭($168)：海蜇好厚身伴以青瓜一齊食，口感一個字，脆！醬汁唔算太酸，青瓜亦有少少鹹味，成個菜食落好清新，啱晒宜家又熱又濕嘅天氣。🫠(ed小分享 : 海蜇頭是指水母的觸鬚部位，亦含有人體需要的多種營養成分，低膽固醇同時又低熱量，啱哂健康人士🤫)烤雙方($232)：呢款菜式簡單啲講即係上海版三文治，一樣有火腿😂 火腿肥瘦均勻，亦唔使怕太鹹，因為佢係用花蜜去餞出嚟，加埋塊炸腐皮麵包一齊食，口感鬆脆，而且花蜜帶出嚟嘅清甜完美咁將所有食材融和一齊🤤蝦子海參($428)：海參有咩好，相信唔使講啦，大家都知道。蝦子嘅鮮，加埋海參嘅彈牙，食落鹹鹹鮮鮮咁。叫碗白飯，再將個白飯倒落去做碟頭飯一流😂豆板莧菜($138，hidden menu)：食咗太多肉，都要食返啲菜去平衡下😂 所謂豆板即係
無錫脆鱔($148)：係江蘇無錫一帶嘅傳統名菜，做法係將鱔肉切絲後再炸。口感脆卜卜，醬汁味道似糖醋排骨，要襯熱食，因為凍咗會黐埋一舊😂
脆蜇頭($168)：海蜇好厚身伴以青瓜一齊食，口感一個字，脆！醬汁唔算太酸，青瓜亦有少少鹹味，成個菜食落好清新，啱晒宜家又熱又濕嘅天氣。🫠
(ed小分享 : 海蜇頭是指水母的觸鬚部位，亦含有人體需要的多種營養成分，低膽固醇同時又低熱量，啱哂健康人士🤫)
烤雙方($232)：呢款菜式簡單啲講即係上海版三文治，一樣有火腿😂 火腿肥瘦均勻，亦唔使怕太鹹，因為佢係用花蜜去餞出嚟，加埋塊炸腐皮麵包一齊食，口感鬆脆，而且花蜜帶出嚟嘅清甜完美咁將所有食材融和一齊🤤
蝦子海參($428)：海參有咩好，相信唔使講啦，大家都知道。蝦子嘅鮮，加埋海參嘅彈牙，食落鹹鹹鮮鮮咁。叫碗白飯，再將個白飯倒落去做碟頭飯一流😂
豆板莧菜($138，hidden menu)：食咗太多肉，都要食返啲菜去平衡下😂 所謂豆板即係蠶豆去邊，莧菜而家當做，所以好鮮，好食！🤤
小籠包($112/ 8隻)：小籠包入邊有湯就必須嘅，據大廚所講，佢哋搓皮嘅時候用上湯代替水，所以唔似坊間小籠包咁皮還皮，湯還湯。老飯店嘅小籠包就啱啱好，包皮亦唔會太厚或太薄，好好食。
八寶煎芋泥($115/ 細)：話晒母親節，點都要用甜點來做結尾，味道清甜，雖然係煎，不過一啲都唔油。入面有少少紅豆喺入邊，食完飲啖龍井，好舒服😌
老實講，呢間餐廳菜式選擇極多，而且價錢咁多年都冇乜點改變，每個員工都起碼做咗廿幾年以上，疫情停業期間亦冇裁員而且出足糧，個老闆算係咁。鍾意食上海菜嘅朋友，我哋真心推介。除咗以上呢啲菜式，佢哋嘅上海粗炒、酒釀丸子都唔錯，做法都好正宗。不過上去之前，最好預先訂位，大時大節嘅話一定好爆。
張貼
