影片
更多
2019-06-02
1622 瀏覽
大圍以前有間好出名嘅中菜館,但轉左手之後變左做個Food Court,原本以為係大圍食到GE舊日美味已經一去不復返,估唔到有朋友話我知楓林小館家下轉戰銅鑼灣,點都一定要去再撐下場! 呢度嘅環境比起大圍寬敞好多, 裝潢採納唔少中國風元素, 有唔少嘅中國圖騰裝潢, 帶有中國風嘅木框做界隔, 掛住唔少大紅燈籠, 中國百定姓推砌出嘅牆身,整體予人感覺格調高尚典確。淮記螺頭燉雞($88)男朋友好鐘意飲湯, 湯水一定唔少得,連帶我呢個好少飲湯嘅人都飲埋一份, 呢個湯都幾充料. 個湯頭都幾甜,食材嘅味道出哂黎,唔知係咪因為有淮山飲落去有陣滑滑地同暖暖地嘅感覺, Feel到夠哂好養身,夠哂補, 我呢個唔鐘意像多嘅人都難得話好飲. 招牌紅燒乳鴿($78)乳鴿外皮香脆, 鴿肉就非常嫩滑多汁, 點少少醬汁同淮鹽就更加添風味. 蝦片新鮮炸起,入口脆卜卜,同埋都幾香蝦味, 俾多多我地都食得哂XD!黃金四季豆($59)本身以為呢度菜會係四季豆上面有咸蛋黃醬.估唔到佢係四季豆先煮熟再塗上一浸咸蛋黃液後, 再裹上炸粉落鑊快炸. 呢道菜有驚喜! 外皮香脆, 但入面四季豆軟綿綿同香香帶咸蛋味, 咸蛋味唔會過重而覺得膩,
呢度嘅環境比起大圍寬敞好多, 裝潢採納唔少中國風元素, 有唔少嘅中國圖騰裝潢, 帶有中國風嘅木框做界隔, 掛住唔少大紅燈籠, 中國百定姓推砌出嘅牆身,整體予人感覺格調高尚典確。
淮記螺頭燉雞($88)
男朋友好鐘意飲湯, 湯水一定唔少得,連帶我呢個好少飲湯嘅人都飲埋一份, 呢個湯都幾充料. 個湯頭都幾甜,食材嘅味道出哂黎,唔知係咪因為有淮山飲落去有陣滑滑地同暖暖地嘅感覺, Feel到夠哂好養身,夠哂補, 我呢個唔鐘意像多嘅人都難得話好飲.
招牌紅燒乳鴿($78)
乳鴿外皮香脆, 鴿肉就非常嫩滑多汁, 點少少醬汁同淮鹽就更加添風味. 蝦片新鮮炸起,入口脆卜卜,同埋都幾香蝦味, 俾多多我地都食得哂XD!
黃金四季豆($59)
本身以為呢度菜會係四季豆上面有咸蛋黃醬.估唔到佢係四季豆先煮熟再塗上一浸咸蛋黃液後, 再裹上炸粉落鑊快炸. 呢道菜有驚喜! 外皮香脆, 但入面四季豆軟綿綿同香香帶咸蛋味, 咸蛋味唔會過重而覺得膩, 整體味道同口感都配合得好好!
虎皮釀尖椒($49)
魚肉味濃得黎唔會食到腥味,煎得剛剛好,而尖椒夠新鮮, 所以本身夠哂甜, 而入口仲會自帶少少辣到, 好食!
白灼時蔬($49)
白灼菜最緊要夠新鮮, 唔知係咪怕我地覺得寡, 所以店家仲貼心咁另上醬油俾我地.
上素蒸粉果($32)
我同男朋友都幾鐘意食呢個點心, 事關入面好多料, 而調味幾好食. 入面有雞軍菇, 木耳, 冬菇等材料, 呢D食材本身口感都豐富, 粉果外皮煙煙韌韌, 同埋充分咁索左餡料嘅味道.
XO醬粉腸粉($49)
D腸粉本身好滑, 粉皮亦都幾薄身, XO醬調、芽菜同少少辣椒一齊炒, 辣辣地好惹味.
楓林轉戰銅鑼灣後,除左樣靚仔左之餘, 質素都仲係保持到水準. T^T不枉我地突登黎食一轉.
張貼
