影片
更多
2018-05-28
789 瀏覽
呢間財記海鮮火鍋刺身門口夠曬吸睛，大門外掛上大紅燈籠， 而且又有大大個魚缸， 養住唔同類型嘅海鮮， 即叫即劏， 即劏即食， 保證新鮮，難怪深受區內食客支持。呢間火鍋店嘅環境非常之光猛潔淨， 座位又寬敞， 就算打邊爐都唔會覺得焗促。 而且各個侍應生都非常之勤力， 不時為我地清碟以及加湯底。打邊爐咁上火， 梗係叫返一樽竹蔗茅根黎清熱一下。 呢度嘅竹蔗茅根真材實料， 絕對唔係用茅根精沖出來， 而且甜度剛剛好，唔會太甜，清清地，夠曬清熱解渴。湯底方面就叫咗個最啱夏天嘅蟲草花冬瓜雞窩， 冬瓜湯夠清熱解暑，最啱炎炎夏日。蟲草花亦有益健康， 可以提高人類免疫能力。 而且冬瓜面仲放有半隻雞， 當湯底煲滾之後就可以食到鮮嫩滑雞喇~ 呢個冬瓜雞湯嘅湯底夠曬清甜， 可以食出各款食材嘅原汁原味， 又可以當湯飲，讚~另外呢度嘅炸響鈴即叫即炸， 熱辣辣脆卜卜，放落冬瓜雞湯三秒後攞上嚟食， 保持外軟內脆嘅感覺， 雙重口感。另外推介呢度嘅脆鯇骨腩， 果然夠「脆」。 骨腩位嘅骨比較大條， 好容易挑出， 食起嚟都唔會咁容易哽骨。 而且脆鯇嘅皮非常之爽口， 食落索索聲， 夠曬咬口。呢度嘅粟米亦非常之鮮甜， 粟米大大粒， 甜
呢間火鍋店嘅環境非常之光猛潔淨， 座位又寬敞， 就算打邊爐都唔會覺得焗促。 而且各個侍應生都非常之勤力， 不時為我地清碟以及加湯底。
打邊爐咁上火， 梗係叫返一樽竹蔗茅根黎清熱一下。 呢度嘅竹蔗茅根真材實料， 絕對唔係用茅根精沖出來， 而且甜度剛剛好，唔會太甜，清清地，夠曬清熱解渴。
湯底方面就叫咗個最啱夏天嘅蟲草花冬瓜雞窩， 冬瓜湯夠清熱解暑，最啱炎炎夏日。蟲草花亦有益健康， 可以提高人類免疫能力。 而且冬瓜面仲放有半隻雞， 當湯底煲滾之後就可以食到鮮嫩滑雞喇~ 呢個冬瓜雞湯嘅湯底夠曬清甜， 可以食出各款食材嘅原汁原味， 又可以當湯飲，讚~
另外呢度嘅炸響鈴即叫即炸， 熱辣辣脆卜卜，放落冬瓜雞湯三秒後攞上嚟食， 保持外軟內脆嘅感覺， 雙重口感。
另外推介呢度嘅脆鯇骨腩， 果然夠「脆」。 骨腩位嘅骨比較大條， 好容易挑出， 食起嚟都唔會咁容易哽骨。 而且脆鯇嘅皮非常之爽口， 食落索索聲， 夠曬咬口。
呢度嘅粟米亦非常之鮮甜， 粟米大大粒， 甜度相當夠，大愛。
另外打邊爐又點少得牛呢？ 呢個本地金錢展牛尾非常之濃郁， 而且筋肉分明，食落唔會有渣，最重要係滲出陣陣牛香， 回甘十足。
另外嘅本地手切肥牛， 雖然只係叫咗小碟， 但分量十足。 手切肥牛唔會砌得太薄， 口感較為嫩滑， 而且色澤紅潤， 非常新鮮。
要均衡飲食就梗係要叫番啲蔬菜啦，油麥菜份量十足， 吸收咗冬瓜湯之後亦會感覺油膩。
呢間財記火鍋嘅用料鮮， 計我話打邊爐除咗個爐重要之外， 湯底同配料先至係排頭位呢~
張貼
