馬祖台灣養生湯麵館 (厚福街)

營業中

休息中

🎈馬祖台灣養生湯麵館餐廳招牌係藥膳養生湯底，可以配飯/ 麵/ 米線，午市套餐送飲品，價值經濟實惠🎈藥膳古早牛肉湯米粉台式牛肉麵嘅湯底再加藥膳都幾特別，湯底藥膳味恰到好處唔會太濃牛肋肉口感唔錯 ，仲有白蘿蔔，煮得幾入味，配埋米粉好飽肚🎈藥膳麻油雞新竹米粉湯底好鮮甜，放滿紅棗、杞子同木耳有淡淡的杞子香味同紅棗味，帶點麻油香，暖笠笠又養生，正正雞件份量都唔少，雞肉嫩滑又大件🎈鹽酥墨魚春捲墨魚春捲炸得香口，外皮香脆內裡魚肉爽滑彈牙，加上調味粉，味道唔錯🎈藥膳生菜以藥膳湯底配生菜，好味又健康🎈茉莉花茶🎈熱咖啡