漢興茶檔

營業中

休息中

星期六九點鬆少少去到門口，已經見到條小人龍，好在五分鐘唔使就有位。店內唔算好大，搭枱就必然，當然無咩所謂。蛋咸牛肉麵（$24）加餐肉（+$4）麵有得揀，揀咗福麵，好耐未食過又另一番風味。蛋咸牛肉整得好靚，圓碌碌脹卜卜，仲好有心思加埋蔥花，雖然都係預期中嘅味道，但食得出好有誠意。餐肉有兩塊，厚切半圓，$4抵食。蛋咸牛肉加多士（$22）加餐肉（+$4）蛋咸牛肉放係兩塊餐肉上而，然後用四件牛油多士圍住，擺盤靚靚加哂分。熱奶茶（$14）因為無套餐，所以散叫一人一杯。味道可以，頗滑。雖然全部嘢食都係預期之內嘅味道，但食得出係用心製作，難怪客似雲來。