影片
更多
2022-01-25
1397 瀏覽
幸福咖啡位於葵涌工業區，有別一般CAFÉ，距離地鐵站都有一大段路。係工業臨立之中，有隱世CAFÉ感覺，入面環境簡潔舒適，可以令人心境寧靜。幸福咖啡是一間素食餐廳，而且更是純素、不含五辛，所有食物、飲品都不含蛋、奶製品或是蔥、蒜、韮菜。🌿All Day Breakfast $98★★★★☆成碟上枱好大份、好豐富！有沙律菜、雜菌釀蕃茄、薯角、牛油果栗米沙律、鮮果同幸福麵包。沙律菜夠新鮮；薯角夠脆口；雜菌釀蕃茄都唔錯，炒嘅雜菌加蕃茄幾FRESH。牛油果熟度岩岩好，食落係澳洲牛油果，加埋栗米沙律醬，好正。當日水果係奇異果。幸福麵包雖然冇落蛋、奶、牛油，但口感比想像中鬆軟，配埋其他配菜食都唔錯。大家唔好睇少好似冇肉怕會唔夠飽，但食落都夠，加上有半隻大嘅牛油果。冇肉都唔怕覺得單調，唔錯。🌿牛油果天貝壽司配腐皮千層 $63★★★★★每次黎呢到都會叫呢個菜式，壽司有9件，壽司入面除左有牛油果、蕃茄，仲加入左好有營養、高蛋白質嘅天貝，但佢又唔會有原本天貝嘅怪味，加埋醬油食一流，健康輕型Feel，食完一啲罪惡感都冇。腐皮千層有4件，腐皮做到有好多層，口感豐富，最外面個層係脆口，但腐皮入面係嫩滑，冇太多嘅調
All Day Breakfast
$98
65 瀏覽
0 讚好
0 留言
★★★★☆
成碟上枱好大份、好豐富！有沙律菜、雜菌釀蕃茄、薯角、牛油果栗米沙律、鮮果同幸福麵包。沙律菜夠新鮮；薯角夠脆口；雜菌釀蕃茄都唔錯，炒嘅雜菌加蕃茄幾FRESH。牛油果熟度岩岩好，食落係澳洲牛油果，加埋栗米沙律醬，好正。當日水果係奇異果。幸福麵包雖然冇落蛋、奶、牛油，但口感比想像中鬆軟，配埋其他配菜食都唔錯。大家唔好睇少好似冇肉怕會唔夠飽，但食落都夠，加上有半隻大嘅牛油果。冇肉都唔怕覺得單調，唔錯。
牛油果天貝壽司配腐皮千層
$63
63 瀏覽
0 讚好
0 留言
★★★★★
每次黎呢到都會叫呢個菜式，壽司有9件，壽司入面除左有牛油果、蕃茄，仲加入左好有營養、高蛋白質嘅天貝，但佢又唔會有原本天貝嘅怪味，加埋醬油食一流，健康輕型Feel，食完一啲罪惡感都冇。腐皮千層有4件，腐皮做到有好多層，口感豐富，最外面個層係脆口，但腐皮入面係嫩滑，冇太多嘅調味，但出奇地好食。
白汁蘆荀鮮蔬牛油果扁意粉
41 瀏覽
0 讚好
0 留言
★★★★☆
味道同平常嘅白汁唔同，應該用左植物奶黎做個汁嘅基底，但味道唔會話怪。加埋牛油果、蘆荀、粟米芯、白椰菜花呢啲蔬菜，都幾豐盛。意粉唔會太淋身，白汁個濃稠度亦剛好，扁意粉掛到汁，加埋少少辣椒仔，仲有風味！
大啡菇芝士牛油果漢堡
33 瀏覽
0 讚好
0 留言
★★★★☆
漢堡有烘到脆口，用左大啡菇黎代替正常漢堡嘅牛肉，大啡菇燒焗左，帶少少焦香味，咬落就唔會有肉嘅感覺架啦，但係個菇都幾JUICY，配合埋牛油果、蕃茄、沙律醬，清新得黎又唔會覺得太寡。連帶漢堡入面嘅都係純素車打芝士，像真度好高，有少少半溶形態，食落又有少少似真芝士。
⭐️總結：食物天然，冇味精或太多嘅調味，食得出用天然新鮮嘅食材帶出食物原味道。而且有別一般素食餐廳，絕大部分成食物都係天然，冇採用太多素肉。個人十分欣賞呢間餐廳，食得出佢地用心製作同構思餐單，食落唔會有負擔。即使唔食素嘅朋友都可以一試，而且坐得環境舒服。
張貼
