阿荔車仔麵

營業中

休息中

放工去食碗車仔麵先番屋企，呢間車仔麵有別於一般車仔麵。會有沾麵揀😮😮，餸料亦係睇得出老闆俾心機嘅特色小菜😊老闆話特濃沙嗲沾麵係限量，賣晒就無㗎啦。話到咁吸引，無理取鬧唔試吓😆😆個沙嗲醬果然係好惹味😋😋帶少許辣，但可接受的！包3個餸，我揀咗玻璃魷魚🦑、牛柏葉同豬皮配手工麵。個手工麵係非常好食，好彈牙，煙煙韌韌，再沾少許沙嗲醬，一流👍🏻👍🏻玻璃魷魚帶少少辣，好爽口👍🏻，豬皮索晒啲汁，好正，牛柏葉正路。食完順便外賣個車仔麵俾屋企人食，牛筋牛腩、豬大腸配油麵😋😋幫佢叫咗中辣，加辣菜甫，屋企人話好辣，食得好過癮😍😍牛筋牛腩普普通通，豬大腸去肥膏，正👍🏻份量如果可以再多啲就更加好😊😊