頂立 (裝修中)

星期二晚上大約1930入座，唔洗等位即時入到。充滿日本特色的裝修店主好詳細介紹唔同湯底口味，分濃中清湯頭，又介紹咖啡同甜品，服務貼心。最後叫左一碗帆立貝一碗蝦先講帆立貝，湯底清甜，除左陣陣海鮮味，重有陣甜味，好好味。帆立貝烤到微微焦香，好味道，唔係d 急凍hea 煮！蝦湯係醬油底，就濃好多喇！有蝦既咸香味，d 蝦都好彈牙，一d 都唔梅！但2者比較我中意帆立貝多d❤️❤️最後我叫左雞蛋布丁同tiramisu，好好味。雖然布丁焦糖偏苦少少，但就唔會過甜。提拉米蘇脆卜卜，好味🥰店主好用心，每位客人都好詳細講解。其實以屯門黎講，呢個烏冬係好食既，我絕對會再去食。2個人，2碗烏冬+2甜品+1咖啡=$410，可能大家會覺得偏貴少少（以屯門區），但店主既服務，真誠，同烏冬質素係絕對值得支持❤️