Little Fresh Cafe & Bar (已結業)

今日跟朋友去試一間西式小店。黎到旺角，好多舖頭都唔同左，轉左新野，但朋友話呢間小店真係用心經營，老闆親自主打食譜，所以真係要黎支持幫襯下。行到入黎真係環境好唔同，感覺令人好chill，即刻食慾大增。佢個menu有個special item, 問左老闆今日special係油封鴨脾，好吸引，所以就叫左個鴨脾同墨汁海鮮燴意大利扁麵。佢跟餐既湯今晚係蘑菇湯，好香濃既蘑菇味，襯湯既蒜蓉法包都好鬆軟，唔會太硬。 如果呢個做埋餐包就好啦。油封鴨脾好入味好嫩滑，而且冇諗過有咁大隻鴨脾。 最重要要食埋薯蓉，真係幾好味。 仲有食完墨汁意粉大家個嘴都黑埋，好搞笑。最後野飲我地叫左士多啤梨沙冰同檸檬蜜桃果茶。 兩杯都好香果味，refresh 晒成餐飯，真係令人食得好滿足。