影片
更多
2023-09-20
9 瀏覽
自疫情後，好多人都改變咗生活模式。鍾意玩桌遊的我都唔例外，由cafe轉移咗係屋企玩。不過屋企空間有限同桌遊款式冇咁齊全，一班人始終都係係cafe玩開心好多🥰今日就相約桌遊腳去旺角探探路，搵間有feel嘅樓上cafe 做之後嘅聚腳點😆AnyMomentCafe地點旺中帶靜，油麻地港鐵站步行三分鐘左右就到，非常方便。不過Cafe位於既商廈入口就有啲隱蔽，一不留神好容易會錯過咗個入口一上到cafe 就見到好多Board games放咗係櫃上，即時心心眼😍由於我地一早經電話訂位，所以唔怕會冇位😎我地入座時間係平日夜晚七點，cafe已經接近坐滿，所以建議早少少打電話去訂位，經電話訂位仲無時限添👍🏻Cafe 環境闊落，卡位大約有四張，每張大概坐到四至八人，好適合一班朋友上黎玩❤️地中海香蒜雞柳意粉$138雞柳用上香蒜烹調，肉質嫩滑入味😋意粉軟硬適中，而味道帶點獨特嘅香草味，似唔辣既冬蔭功香味，惹味非常🥰好奇一問，原來香草係老闆親手種植，可見老闆對自己既食材相當有要求。強烈推薦呢道意粉，評價極高👍🏻拿破倫肉醬煙鴨胸螺絲粉$138鴨胸油脂豐富，味道濃郁多汁，肉質彈牙。螺絲粉表面舖滿芝士粉，而肉醬份量十足
AnyMomentCafe地點旺中帶靜，油麻地港鐵站步行三分鐘左右就到，非常方便。不過Cafe位於既商廈入口就有啲隱蔽，一不留神好容易會錯過咗個入口
一上到cafe 就見到好多Board games放咗係櫃上，即時心心眼😍由於我地一早經電話訂位，所以唔怕會冇位😎我地入座時間係平日夜晚七點，cafe已經接近坐滿，所以建議早少少打電話去訂位，經電話訂位仲無時限添👍🏻Cafe 環境闊落，卡位大約有四張，每張大概坐到四至八人，好適合一班朋友上黎玩❤️
地中海香蒜雞柳意粉$138
雞柳用上香蒜烹調，肉質嫩滑入味😋意粉軟硬適中，而味道帶點獨特嘅香草味，似唔辣既冬蔭功香味，惹味非常🥰好奇一問，原來香草係老闆親手種植，可見老闆對自己既食材相當有要求。強烈推薦呢道意粉，評價極高👍🏻
拿破倫肉醬煙鴨胸螺絲粉$138
鴨胸油脂豐富，味道濃郁多汁，肉質彈牙。螺絲粉表面舖滿芝士粉，而肉醬份量十足，確保到每啖意粉都帶有肉味香濃既肉醬
瑞士雞翼$61
雞翼經甜甜瑞士汁慢煮而成，滋味肉嫩。👍🏻
薄荷朱古力（跟餐+$13）
清新薄荷味配上濃郁朱古力，甜而不膩
蘋果玫瑰花茶（跟餐+$18）
蘋果生津潤肺，花茶口感甘甜，夠晒養生
Cafe 整體感覺似去咗朋友屋企咁，老闆熱情好客，感受到Cafe 誠意滿滿，打破咗我一貫覺得桌遊cafe只有頹食既印象。而桌遊種類繁多，環境寬敞舒適，就算唔玩桌遊只係想食飯傾計既都非常合適。總括黎講，AnyMomentCafe 係一間值得推介既樓上cafe😆
張貼
