影片
更多
2023-03-26
22 瀏覽
呢日約咗舊同事喺中環食lunch佢話知道有間樓上小店新開味道環境都好唔錯一放lunch就即刻衝上去食店面太概有十個坐位 亦都有好多特別打卡位12點幾去到都已經坐滿晒 非常旺場好彩等咗一陣就有位原來呢度係老闆兩公婆一手一腳包辦所有嘢仲要咁啱老闆娘去咗旅行3星期得返老闆自己一個一腳踢樓面廚房清潔都自己一個搞掂 非常厲害試咗意大利雜菜湯用料非常豐富 啖啖都勁多蔬菜芹菜紅蘿蔔薯仔粒 超足料 新鮮煲起 飲落去熱辣辣 好啱呢啲時冷時熱嘅天氣飲完全冇味精 飲落係蔬菜嘅原味 感覺好健康巴馬火腿水牛芝士意式三文治份量超級大 餡料超級豐富老闆仲好細心幫我哋切開一半蕃茄仔、火箭菜加埋大量Parma ham有火腿嘅咸香 亦都有蕃茄仔同火箭菜嘅fresh夾埋一齊食就去咗油膩感一啖咬落去 口感好豐富烤豬波羅伏洛芝士意式三文治烤豬好嫩滑 味道冇Parma ham咁濃但加入咗香草去烤 肉質口感唔似平時食嘅豬肉咁鞋咁柴嫩滑到有少少驚訝🤣Focaccia 麵包烘得香脆 有橄欖油香味 好鍾意呢款包有機意大利可樂飲落去冇一般可樂咁甜聽老闆講呢款可樂唔係用蔗糖 啱晒關注環境嘅朋友飲連個樽都係特別設計 仲攞過獎 好勁👍🏻另一枝係
佢話知道有間樓上小店新開
味道環境都好唔錯
一放lunch就即刻衝上去食
店面太概有十個坐位 亦都有好多特別打卡位
12點幾去到都已經坐滿晒 非常旺場
好彩等咗一陣就有位
原來呢度係老闆兩公婆一手一腳包辦所有嘢
仲要咁啱老闆娘去咗旅行3星期
得返老闆自己一個一腳踢
樓面廚房清潔都自己一個搞掂 非常厲害
試咗意大利雜菜湯
用料非常豐富 啖啖都勁多蔬菜
芹菜紅蘿蔔薯仔粒 超足料
新鮮煲起 飲落去熱辣辣 好啱呢啲時冷時熱嘅天氣飲
完全冇味精 飲落係蔬菜嘅原味 感覺好健康
巴馬火腿水牛芝士意式三文治
份量超級大 餡料超級豐富
老闆仲好細心幫我哋切開一半
蕃茄仔、火箭菜加埋大量Parma ham
有火腿嘅咸香 亦都有蕃茄仔同火箭菜嘅fresh
夾埋一齊食就去咗油膩感
一啖咬落去 口感好豐富
烤豬波羅伏洛芝士意式三文治
烤豬好嫩滑 味道冇Parma ham咁濃
但加入咗香草去烤
肉質口感唔似平時食嘅豬肉咁鞋咁柴
嫩滑到有少少驚訝🤣
Focaccia 麵包烘得香脆 有橄欖油香味
好鍾意呢款包
有機意大利可樂
飲落去冇一般可樂咁甜
聽老闆講呢款可樂唔係用蔗糖
啱晒關注環境嘅朋友飲
連個樽都係特別設計 仲攞過獎 好勁👍🏻
另一枝係有機有汽血橙
第一次飲血橙 比普通橙汁更好飲
搭配Panini 一齊好解渴好清新
因為下午仲有燒腦meeting 咖啡不能少
要咗杯Flat white 都幾大杯
而且仲有拉花 要俾個like老闆👍🏻
朋友就要多咗杯白牡丹
估唔到中式茶同意大利Panini會喺同一間店舖出現🤣
又意外地幾夾🤣
大推！一齊支持用心小店！
張貼
