影片
更多
2024-02-04
1363 瀏覽
今日慶祝朋友生日，就揀咗呢一間成日返工都經過嘅Ami,每一次都會俾佢好靚嘅門口吸引住停低, 今次趁着朋友生日就決定去試吓呢一間想試好耐嘅餐廳，我哋大概早咗一個禮拜預訂位置，餐廳亦都非常好，安排咗一個比較靜嘅位置俾我哋，可以俾我同朋友好好咁樣慶祝，我哋喺門外確認位置後就好快可以入去，店員亦都非常有禮貌，咁樣同我哋解釋我哋嘅餐牌，我哋今日就試吓佢嘅Tasting Menu, 唔店員非常有耐性向我哋介紹，亦都問我哋有冇食物敏感，非常細心🔥 餐廳嘅裝修完到非常有藝術氣氛，喺餐廳嘅牆身亦都掛上咗唔同有格調art piece, 一坐低就有一個非常high class嘅感覺, 氣氛非常輕鬆同埋舒服，亦都適合收工嚟飲杯酒打吓卡🔥 Lobster 🦞: 餐廳用咗加拿大嘅新鮮龍蝦尾，喺食材上非常新鮮，龍蝦配咗一個清湯做嘅啫喱，配埋一個金盞花嘅sauce, 口感有少少酸酸地，配埋龍蝦食非常意外地match, 作為前菜非常開胃Mushroom soup: 餐廳用咗巴黎嘅白蘑菇，再打成一個蘑菇湯，蘑菇湯味道非常濃郁，調味上都做得非常唔錯，可以食到蘑菇本身嘅香味，我同朋友都非常鍾意😙Toothfish🐟：牙魚用咗
Lobster 🦞: 餐廳用咗加拿大嘅新鮮龍蝦尾，喺食材上非常新鮮，龍蝦配咗一個清湯做嘅啫喱，配埋一個金盞花嘅sauce, 口感有少少酸酸地，配埋龍蝦食非常意外地match, 作為前菜非常開胃
Mushroom soup: 餐廳用咗巴黎嘅白蘑菇，再打成一個蘑菇湯，蘑菇湯味道非常濃郁，調味上都做得非常唔錯，可以食到蘑菇本身嘅香味，我同朋友都非常鍾意😙
Toothfish🐟：牙魚用咗一個紅酒汁來配搭，個底再加埋少少翠玉瓜來做呢一個菜嘅配菜，魚同紅酒汁嘅味道非常match, 亦完全唔腥，正！
Abalone: 餐廳用咗南非嘅鮑魚，非常有咬口，再配埋呢一個龍蝦嘅汁好有驚喜，個面再加埋少少櫻花蝦做點綴，呢一個菜非常好食，亦都睇到餐廳係擺盤好靚！
Wild boar loin🐷: 餐廳採用嘅野豬燒得非常靚，粉紅色非常吸引，配菜係少少薯蓉，再加埋燒汁，冇諗過味道係咁，非常出色，同出邊食到嘅豬肉完全兩個唔同嘅層次！
A4 Wagyu: 睇顏色已經睇到呢一個牛肉非常靚，食落去每一啖都充滿油香，味道嘅配搭上亦都做得非常好，食得出依家牛肉本身好香肉味，亦都食得出餐廳係處理呢一件牛肉上控制得啱啱好
最後加埋黑森林蛋糕，我同朋友都非常滿足，餐廳出邊仲有一個露台嘅酒吧位置，非常適合收工過嚟打卡，下次有機會等我過嚟度happy hour！十分推介呢一間餐廳
張貼
