Ami

好多謝男朋友知我中意食法國菜帶我黎依度食生日飯🥰8道餸，每道份量都好足夠，而且由starter到dessert都令我同男朋友都讚不絕口：首先sourdough登場，基本上都外硬內軟，暖暖地再加牛油食口感一流。starter係個撻咁既野，食落酸酸地好開胃！食材感覺新鮮！之後十分十分要讚既係佢個mussels+蜜瓜冰既配搭，好食到痴晒線，成件事好match，口感非常豐富，超級開胃，係我最鍾意既一道餸！再黎蘑菇湯，蘑菇味非常濃郁，佢仲有個包可以一路沾啲湯一路食，好鬆脆同埋口感都非常好。本身我唔太鍾意黑松露，覺得佢浸味太過濃烈，但佢既黑松露配薯仔粒依道餸又係令我嘩出聲，因為佢地黑松露味一啲都唔勁，而且感覺棉棉的，入口即化咁，非常唔錯！魚都好好食，個汁好開胃，魚無骨，質感都好腍，煎完都唔會話好乾身！跟住個龍蝦酥皮真係好有驚喜，入面好多龍蝦肉，酥皮好薄身好脆溝埋一齊勁好食。不過另外個main日本和牛牛柳有小小失望，staff推介3成熟咁我就試下啦，男朋友都係穩陣派叫番5成。對比之下5成好食好多，入口即化，反而3成就嚼唔爛，嚼左好耐都好似吞唔落去咁。去到尾聲就有個好開胃既撻比你消下滯，真係恰到好處！完全開到我個胃食埋之後既petit fours，不過最後都係食剩左幾粒，因為實在太飽了🐷總括黎講我非常滿意依餐生日飯，雖然地方細左啲，張梳化又坐得唔太舒服，而且枱與枱之間好近食食下好似茶記咁嘈，不過服務好不在話下，而且每樣份量都好足夠，由頭到尾都感受到chef既用心安排，震撼到我味蕾！米芝蓮當之無愧！…查看更多

生日飯想搵間好餐廳，竟然 Restaurant Week 搵到Ami，而Menu又啱、價錢公道$998pp、仲要有位，掂👍🏻👍🏻👍🏻今次呢個menu整體都好好食，算係近期覺得幾掂嘅餐廳🍴無酒精飲品左：Sauvignon White Grape Juice ($88)右：To Die For ($118) 淨係個名都得啦⋯⋯😂Sourdough breadAmuse bouche法國青口配蜜瓜🍈幾清新，而青口亦同蜜瓜好夾，開胃🤤招牌蘑菇湯配香菇酥已經第二次食，仍然嗰句，正👍🏻👍🏻👍🏻👍🏻龍蝦及鴨肝配法式海苔白汁有啲唔知食緊乜嘢，個人覺得配搭有啲怪，嘥左個龍蝦🦞法國芭芭拉鴨配李子及黑蒜出奇地好食，鴨肉味香濃，讚👍🏻澳洲和牛牛柳茉莉花梳乎厘配荔枝雪葩梳乎厘帶着淡淡苿莉花香氣，好食😋法式美點Opera Cake （送嘅)咖啡或茶…查看更多

🥰 近期米芝蓮餐廳 ami 人氣急升, 今日相約老友 “甘仔” 初訪. 電話訂座, 接線生竟然知道我係乜水?! 哈哈.🥢 餐廳裝修暗黑, 經過酒櫃, 到達用餐區, 設半開放式酒吧, 另外五張 “半梳化餐枱”, 四張靠窗方枱, 仲有一間十人包廂, 玩圓枱.  室外露台 俾客人飲酒吹水. 點咗 “時令晚餐”, $1,080+10%, 葡萄酒配對 $980+10%.🥐 麵包. 我唔鍾意食酸包囉.🥧 amuse bouche. 印象一般.🥕 Loire Valley asparagus, slow-cooked egg mimosa. 法國露筍配慢煮法式香草蛋. 清新嘅組合, 不俗.🍄‍🟫 mushroom soup, shiitake and black pepper roll. 香濃蘑菇湯配香菇酥. 菇香非常澎湃, 絕配香菇酥.🍄 summer & winter black truffle, noirmoutier baby potato. 黑松露配法國小薯仔. 我覺得主角係薯仔, 出色嘅一體感, 我唔識欣賞松露, 哈!🐟 Murray cod. 墨瑞鱈魚配椰菜花. 法國菜真係搞唔掂條魚, 一般般.🤗 yellow chicken. 黃油雞配防風草及黃酒汁. 雞肉嫩滑, 水準之上.🥭 rum baba, mango. 芒果冧酒巴巴蛋糕. 完美結束.🍪 petits fours. 法式美點. 最後粒棉花糖同朱古力都幾有誠意喎.🤗 總結: 餐廳地理位置顯赫, 座位比較擠迫, 有服務, 冇溫度, 晚餐價錢唔算誇張, 反而配酒訂價進取, 整體表演穩穩陣陣, 少少驚喜位, 我俾半星.…查看更多

昨晚和友人到中環歴山大廈3樓Ami（米芝連一星）試試，可能由於中銀Cheers卡有買一送一優惠，餐廳都不少人，幸好我一星期前已訂位，並說明窗邊枱及慶祝生日，坐落室內爆滿，室外則有2、3枱客happy hour,餐廳環境略暗、有高級感，但稍嘈。食物方面，我們選了個8-course tasting menu,味道頂瓜瓜，又吃得出廚師有心機烹製，只是有啲漏、甜品也實在好甜，但整體來說是美味的，招呼也好，上每道菜式都會說明，麵包很好吃😋推介大家非常值得試👍🏻…查看更多

這是一間最近人氣急升的米芝蓮一星餐廳 🍴，以其現代法式料理而聞名🇫🇷。餐廳設計融合了簡約與優雅，菜單上巧妙地結合了傳統法國風味與亞洲元素，並使用當地新鮮食材，創造出獨特的風味組合🌿。趁著香港美食週的推廣，我們來一嚐他的午餐🥂。Restaurant Week Lunch Menu 📕$498+✳️Amuse Bouche ▪️餐前小吃三文魚子果凍撻，精緻美味😋▪️麵包酸種麵包外脆內軟，牛油🧈配合酵過的果仁，好好食😋✳️頭盤 （2選1）▪️Morisseau Mussel, Melon, Horseradish 法國青口的肉質鮮嫩，搭配冰涼的蜜瓜🍈，加入一些芝士和切碎的芹菜🥬，口感清新宜人。▪️Signature Mushroom Soup 濃郁的蘑菇湯底🥣搭配澎湃的香菇酥🍄，非常好味，強推 👍🏻。✳️主菜 （3選1）▪️Shiitake Roll Lobster & Duck Foie Gras, Seaweed, Beurre Blanc Sauce +$128 龍蝦🦞的鮮甜與鴨肝🦆的醇厚相得益彰，淋上海苔白汁，口感不錯。▪️Aged Barbarie Duck, Plum, Black Garlic 法國芭芭拉鴨肉 🦆肉質鮮嫩配上李子與黑蒜🧄，味道層次分明。▪️Australian Wagyu Beef Tenderloin ✳️Dessert ▪️Mint Béarnaise Sauce Jasmine Soufflé, Lychee Sorbet 茉莉花梳乎厘輕盈而清新，配搭荔枝雪巴🍧，香氣與甜美相互輝映。✳️Petits Fours ▪️雲呢拿馬卡龍同榛子朱古力撻法式小店，小巧精緻。 🍰💖▪️Coffee or Tea 咖啡或茶 ☕🍵✳️總的來說：菜品美味，但份量精緻，餐後有些吃不飽的感覺😂，這也是不少米芝蓮餐廳推廣餐牌的特色😆。雖然餐廳的用餐空間略顯不足，但整體用餐體驗依然不錯👏🏻，建議大家可以嘗試餐廳的招牌菜單📕。…查看更多