葫越 (AKVO酒店) (已結業)

今日得閒就去上環搵下好野試下，經過一間裝修唔錯嘅越南菜就入去試下，地方細細，得幾張枱，為左慳位，有高枱比人面向窗坐，我就當然揀返坐普通枱啦。叫左兩碗粉，一份雞翼，一杯凍滴漏咖啡，一杯熱咸金桔。一碗牛三寶，有生牛肉、牛肋條同崩沙腩，啲河粉好滑好好味，但份糧實在太少，完全唔夠飽，三款牛肉都好味，唯獨是崩沙腩太少，又細粒，得幾粒，個湯好好味，係見到心思嘅。小食叫左自創特色雞中翼，好味，但完全唔似越南菜，煮法似炒，滴漏咖啡有驚喜，但個杯金桔就唔係好掂，一杯熱水加半粒咸金桔就收我18蚊，實在太貴，總括黎講係好食嘅，但份糧太少，食完係唔飽。