影片
更多
2019-10-27
590 瀏覽
最近社會動盪不安, 好耐已經無一班人食飯. 經過4個月, 要走既走, 淨底既人今日終於有心情聚埋一齊食飯. 亦都因為咁今日餐飯有成6個主角! 主角太多, 生日蛋糕唔知就得邊個. 最後諗到既然成班都做運動既, 所以個主題不如就健康DD啦.為左就番可以攞蛋糕既人既方便, 就隨手揀左位於九龍灣既Jenjen Bakery. 係佢IG見到佢D蛋糕賣相覺得好靚. 但我係佢哋其中一個POST見到佢哋月頭已經可以接open order 接到下年2月. 因為我哋係星期二訂星期六要, 開頭都驚訂唔到, 好彩佢哋話接單, 如果唔係真係唔知去邊到再搵.最後揀左個 "無油攻瑰草莓伯爵茶戚風蛋糕", 8吋, 低糖少cream. 盛惠$658. Compare to 連鎖既餅舖其實有D貴, 不過都用左咁多時間, 就睇下有幾好食.夜晚食完飯攞個CAKE出黎切, 一攞個CAKE出黎, 個個都話個CAKE好靚, 個顏色好特別. 但當我同佢哋講個CAKE 無油少甜少CREAM, 成班人面有難色. 係成班人之中我係食得最清淡, 雖然話大家都好注意飲食, 但聽到我咁講都不禁倒抽一口涼氣! 但佢哋既擔心好快就釋除左, 因為最
為左就番可以攞蛋糕既人既方便, 就隨手揀左位於九龍灣既Jenjen Bakery. 係佢IG見到佢D蛋糕賣相覺得好靚. 但我係佢哋其中一個POST見到佢哋月頭已經可以接open order 接到下年2月. 因為我哋係星期二訂星期六要, 開頭都驚訂唔到, 好彩佢哋話接單, 如果唔係真係唔知去邊到再搵.
最後揀左個 "無油攻瑰草莓伯爵茶戚風蛋糕", 8吋, 低糖少cream. 盛惠$658. Compare to 連鎖既餅舖其實有D貴, 不過都用左咁多時間, 就睇下有幾好食.
夜晚食完飯攞個CAKE出黎切, 一攞個CAKE出黎, 個個都話個CAKE好靚, 個顏色好特別. 但當我同佢哋講個CAKE 無油少甜少CREAM, 成班人面有難色. 係成班人之中我係食得最清淡, 雖然話大家都好注意飲食, 但聽到我咁講都不禁倒抽一口涼氣! 但佢哋既擔心好快就釋除左, 因為最為食嗰個食左一啖就讚不絕口, 其他人食完都讚俾想像中好食! 15個人分呢個8吋既蛋糕確實有D唔夠, 因為個個都想再食.
戚風蛋糕既部份軟密幼滑. 中間既部份有D 類似麻糬咁既QQ狀既物體. 雖然少甜少cream, 但可能因為用料好既原因大家都覺得其實好夠味, 甜度仲啱啱好, 唔似本時食嗰D死甜咁. cream 係少左, 但我覺得比例都啱啱好. 老實講我平時唔食cream, 今日我都忍唔住口食左粉紅色既部份.
整體感覺VERY GOOD, 大家話11月生日要再番炒呢一間. 只要肯行多步其實會發覺事情俾想像中容易. 小店真係俾到驚喜你.
無油攻瑰草莓伯爵茶戚風蛋糕
$658
56 瀏覽
0 讚好
0 留言
題外話/補充資料：
下晝上左佢舖頭攞CAKE, 上到去見到佢哋原來有堂食, 星期日下晝坐滿晒人. 攞餅嗰陣同店員講左兩句, 佢哋話如果上去食餅可以提前打電叫佢哋留起, walkin 都得, 不過就驚無晒你想食既口味. 環境唔錯, 下次可以試下.
(以上食評乃用戶個人意見 , 並不代表OpenRice之觀點。)
張貼
