影片
更多
2022-12-06
1260 瀏覽
係太古坊返工嘅為食專員介紹呢間馬來西亞餐廳望下個門口套餐餐牌，價錢合理同幾岩食，就入去啦餐廳面積唔算大，但坐得相當舒服，一大幅海藍色彩繪係牆上，似渡假FEEL; 水吧位掛滿馬來西亞國旗，打正旗號。唔煩惱叫晚市二人套餐 ($338)，食物選擇仲多，先係小食類任選三款 :首先出場係馬來沙嗲雞肶肉串及素菜咖喱角雞肶肉串比沙嗲醬"重重包圍"，食到花生碎粒，更加香口，與鷄肉從來都係好朋友隻素菜咖喱角，新鮮即炸，入口熱辣辣，隻叉"咭"落去個皮到係"嚓"一聲, 香脆好味呀。叫咗薯條及蕃薯條，諗住係咁意得十幾條，點知...............係咁多呀。蕃薯條外脆內綿，甜甜地一條接一條。仲有沙律送，除咗沙律菜外，特色之處係有埋醃蘿蔔片及大樹菠蘿，幾特別喎。未食過椰漿飯，就試吓呢客馬來生炸鷄肶配椰漿飯，份量又係令人吃一驚。圍住個飯同鷄肶仲有脆花生同魚仔，加多半隻溫泉蛋，當然唔少得個參巴辣醬。隻鷄肶係即炸嘅，近聞聞到肉香味，皮脆肉嫩，正呀個飯係用班蘭葉打汁加椰漿，黎自天然嘅綠色，入口有微微班蘭同椰汁香味，有口感; 點少少參巴辣醬 (辣度刺激)，再加脆花生同魚仔，雙重口感，夠惹味。既然黎得食馬來西亞菜，侍
望下個門口套餐餐牌，價錢合理同幾岩食，就入去啦
餐廳面積唔算大，但坐得相當舒服，一大幅海藍色彩繪係牆上，似渡假FEEL; 水吧位掛滿馬來西亞國旗，打正旗號。
唔煩惱叫晚市二人套餐 ($338)，食物選擇仲多，先係小食類任選三款 :
首先出場係馬來沙嗲雞肶肉串及素菜咖喱角
雞肶肉串比沙嗲醬"重重包圍"，食到花生碎粒，更加香口，與鷄肉從來都係好朋友
隻素菜咖喱角，新鮮即炸，入口熱辣辣，隻叉"咭"落去個皮到係"嚓"一聲, 香脆好味呀。
叫咗薯條及蕃薯條，諗住係咁意得十幾條，點知...............係咁多呀。蕃薯條外脆內綿，甜甜地一條接一條。
仲有沙律送，除咗沙律菜外，特色之處係有埋醃蘿蔔片及大樹菠蘿，幾特別喎。
未食過椰漿飯，就試吓呢客馬來生炸鷄肶配椰漿飯，份量又係令人吃一驚。圍住個飯同鷄肶仲有脆花生同魚仔，加多半隻溫泉蛋，當然唔少得個參巴辣醬。
隻鷄肶係即炸嘅，近聞聞到肉香味，皮脆肉嫩，正呀
個飯係用班蘭葉打汁加椰漿，黎自天然嘅綠色，入口有微微班蘭同椰汁香味，有口感; 點少少參巴辣醬 (辣度刺激)，再加脆花生同魚仔，雙重口感，夠惹味。
既然黎得食馬來西亞菜，侍應問我哋有無飲過亞參冰茶?! 無喎.......咁就試下啦，味道酸中帶甜，有點似山渣味，可中和肉嘅膩度，幾得意。
鷄胸牛油果沙律就食得多，但有咖喱味嘅就第一次食。
咖喱鷄胸切成件狀，咖喱仍然係鷄胸肉上，幾香，就算係胸肉都唔算嚡同乾爭爭，再加上我歡喜嘅牛油果，其實真係做主菜都夠飽肚。
今晚全部肉類都係鷄，另加碗咖喱叻沙鷄絲米粉 ($78)，裝得滿滿嘅一碗。
咖喱叻沙湯底甜中帶微辣，帶點椰香味道; 鷄絲同米粉嘅份量係一比一，米粉爽口，加埋豆腐卜用黎索湯，就算更飽都要食埋佢。
見網上有唔少好評，甜品不得不選自家製班蘭咖央多士，選用特別脆口嘅海南麵包，加入咖央醬及牛油，甜甜地一咬有麵包碎跌出，好邪惡呀...........
黎多杯餐飲，以熱蜂蜜香茅茶配班蘭咖央多士，感覺岩岩好...........成個感覺似去咗外地食緊TEA咁，用味覺去轉馬來西亞。
張貼
