(5 😍 係滿分，🤩係半分）
日本產和牛肩肉盛 - $268 (好味指數：😍😍😍😍🤩)
店員有時間幫我地燒埋🔥，就知道個技巧係先用檸檬🍋掃下個爐面，就無咁易燶，又唔會好似牛油🧈咁搶火～ 牛肩肉指既係肩胛肉，有唔同既部位，肉味幾香濃，肉質柔軟，有細緻既油花，燒完🔥之後有焦香又入口即化幾正🤤
嚴選牛骨髓石頭鍋飯 🐮🦴🪨🍚 - $225 (好味指數：😍😍😍😍)
店員會即場將成條牛骨髓🐮🦴刮落啲飯🍚到撈勻，口感順滑creamy，有奶油🧁同堅果🌰鮮味，令到個飯有焦香得黎香口啲，撈得勻稱所以唔會有好多飯焦👍🏻 亦有惹味既蒜蓉🧄、香口既牛肉粒🐮、滑溜既蛋黃🟡、清香既冬菇🍄🟫同埋微甜微辣🌶️既韓式辣醬，口感豐富都幾好食😋
醬油蝦 (4隻) 🦐 - $188 (好味指數：😍😍😍😍🤩)
啲蝦🦐幾大隻同新鮮，鮮嫩彈牙，連埋微甜、有鹹香又惹味既豉油幾好食😋，亦都有提鮮既效果～ 而且蝦頭🦐都有幾豐腴醇厚既蝦膏幾好～
燒鵝肝多士 (2件) 🔥🦢🍞 - $195 (好味指數：😍😍😍😍)
店員會幫手燒🔥，鵝肝🦢係一級匈牙利鵝肝🇭🇺🦢，綿密軟滑，味道甘醇油潤幾香口～配埋烘到酥脆又有牛油🧈香味既多士🍞，同埋酸酸甜甜既無花果醬🟤一齊食就無咁漏～ 跟住攞埋鵝肝油🦢同埋牛油🧈去炒雜菌🍄🟫，香口軟腍～
蔥燒厚切牛舌 🔥🐮👅 - $178 (好味指數：😍😍😍🤩)
幾特別既牛舌🐮👅，厚切完之後中間開個窿，去將啲蔥蒜🧄放入去，質感軟嫩，牛味🐮香濃，如果再腍啲就更加好啦～ 啲蔥幾清香，令到整體清新香口啲～
韓式泡菜煎餅 🌶️🥬🔥🫓 - $132 (好味指數：😍😍😍😍)
顏色鮮豔，有爽口既泡菜🌶️🥬，酸酸辣辣🌶️幾開胃🤤 而且塊餅🫓煎香左，裡面質感濕潤，如果多啲其他料就更加好啦～
菠蘿 / 荔枝梳打 🍍⚪️🍹- $42 (好味指數：😍😍😍😍)
有芳香馥郁既果香，酸酸甜甜，加上有氣既梳打🍹幾有刺激感，可以消濟解渴
好味指數：😍😍😍😍🤩
推介指數：😍😍😍😍🤩
