漁道樂 (已結業)

同朋友行左成日，晚餐點都要食返餐好，見到間居酒屋門口好有日本feel，好奇之下決定一試～入面裝修好別緻，仲有榻榻米卡位超正👍🔸生蠔刺身🔸先嚟超大隻岩手縣嘅生蠔🦪好新鮮～入口鮮甜而且好creamy😋🔸明太子燒玉子🔸厚燒玉子入面包住滿滿明太子，咸咸地夾埋外層軟綿綿又濕潤嘅甜玉子～正！🔸麻醬番茄豆腐沙律🔸經典配搭嘅沙律～滑嘟嘟嘅豆腐配芝麻醬，健康得嚟又好味👍🔸A4和牛/生蠔/穴子手握壽司🔸生蠔刺身唔夠喉，試埋手握壽司🍣生蠔同樣鮮味又creamy😋和牛壽司肉質鮮嫩，油花分佈靚到見到都流口水🤤大大塊穴子望落非常吸引，肉質好細嫩👍🔸清酒煮蜆🔸上枱已經聞到淡淡酒香撲鼻，湯底飲落好清甜唔會嗆👍大大隻蜆，份量都唔少，幾抵食✨🔸海葡萄抹茶冷麵🔸夏日炎炎最啱食冷麵✨麵汁、芥末、蔥花同芝麻等可以按自己口味加添，加上爽口爆脆嘅海葡萄，同冷麵一齊食增加口感層次！🔸白桃燒酹/巨峰乳酸🔸居酒屋又點可以唔飲返杯🍻白桃燒酎酸甜，仲真係有白桃肉蓉😳巨峰乳酸同樣味道酸甜，清新開胃唔怕食濟😆呢度食物種類好多，我地兩個人眼闊肚窄，唯有下次叫多啲朋友再來過！