影片
更多
2011-06-29
290 瀏覽
生病的日子，醫生都係建議食方包、粥同通心粉。過左兩日之後，都總要搵d清淡得黎又有味既野黎食，今次搵左呢到，由食粥開始，到試埋d麵，都幾唔錯，其實呢兩三個禮拜，大大話話都幫襯左好幾次，又分享下。皮蛋瘦肉粥 x N次 。食過n次，係第一次黎就食既一款，阿哥哥都好老實話本身粥底實有「味」，不過都要食架，粥底本身夠棉，米香明顯，「味」係有不過唔算係好好好好強勁，至少食完唔算係太好渴，都岩正在康復既我。皮蛋係一大隻，唔係得幾舊。瘦肉係好東西，一絲絲的帶點鹹味，呢排食得粥多，好多地方既瘦肉真係無咩味，呢到明顯水準高幾班。肉丸粥。其實係聽見阿姐介紹人食肉丸，就跟風要碗，肉丸好彈牙，不過就未算鮮甜，記得係澳門食過一次好鮮甜既肉丸粥係好唔錯，不過唔記得名，呢到就普普通通。粥底就依舊都係好食。$22蚊，正路價。豬潤滑雞粥。其實真係差唔多叫做正常返先叫黎食，豬潤夠粉嫩，熟透度剛好，雞未食，已經見有少少油係粥面浮浮下，食落雞就唔係太鮮甜，不過就帶點酒味。記得上次去沙田食粥食到一肚氣，這裡的我收貨。不過要$38蚊，都唔平。魚片麵。其實係食魚片粥先，總覺得魚片配粥夾檔d。不過見有個人黎親叫都唔洗叫，d伙記就會落魚
皮蛋瘦肉粥 x N次 。食過n次，係第一次黎就食既一款，阿哥哥都好老實話本身粥底實有「味」，不過都要食架，粥底本身夠棉，米香明顯，「味」係有不過唔算係好好好好強勁，至少食完唔算係太好渴，都岩正在康復既我。皮蛋係一大隻，唔係得幾舊。瘦肉係好東西，一絲絲的帶點鹹味，呢排食得粥多，好多地方既瘦肉真係無咩味，呢到明顯水準高幾班。
肉丸粥。其實係聽見阿姐介紹人食肉丸，就跟風要碗，肉丸好彈牙，不過就未算鮮甜，記得係澳門食過一次好鮮甜既肉丸粥係好唔錯，不過唔記得名，呢到就普普通通。粥底就依舊都係好食。$22蚊，正路價。
豬潤滑雞粥。其實真係差唔多叫做正常返先叫黎食，豬潤夠粉嫩，熟透度剛好，雞未食，已經見有少少油係粥面浮浮下，食落雞就唔係太鮮甜，不過就帶點酒味。記得上次去沙田食粥食到一肚氣，這裡的我收貨。不過要$38蚊，都唔平。
魚片麵。其實係食魚片粥先，總覺得魚片配粥夾檔d。不過見有個人黎親叫都唔洗叫，d伙記就會落魚片麵，有試下魚片配麵係咩效果，魚夠新鮮夠滑，好怕有腥味，這裡處理得唔錯，食麵的話，加小小胡椒粉提提味，更好，原來魚片搭麵都ok。
雲吞撈麵 。胃口開始返黎，要個撈麵，貪其份量夠大，麵係幼身麵，就唔多食到鹼水味，應該冇啩。雲吞唔係果d大大粒，我覺得係正常size啦，蝦幾鮮爽，豬肉亦夠多，係幾好食。撈麵跟個湯，胡椒味強勁，帶點鮮甜，正常野。
炸醬麵。上次係好旺角食那個甜版炸醬麵，食得幾滿意，今次試埋新九記呢到，這裡的都係肉絲明顯一條條，唔係肉碎，喜歡有咬口應該會滿意，辣味幾出，不過唔係果D辣到出哂汗果D，剩係計個味都係有水準既炸醬。麵都係夠爽身，都係冇食到鹼水味，我收貨架啦。湯同撈麵果個一樣，都係強勁既胡椒味，不過配埋炸醬麵，好似有點嗆。$20蚊，都OK啦。
芥蘭。其實菜有咩好寫呢，都係D正常野，不過黎左幾次，留意到D人叫菜大部份都係叫芥蘭，又試下有咩咁特別，芥蘭食落冇苦澀味，要冇苦味都係功夫野，妨間好多方法，好似咩開邊丫，浸暖水，煮腍D等等等等。不過就好似真係通常係麵檔都係食到有點苦味，這裡的確係冇苦味，難怪郊外油菜都係食芥蘭。
食粥食麵都幾唔錯，同區黎講，粥既水準真係幾參差，要數三間應該呢到會係其一。不過都幫襯左兩三個禮拜，短期內LUNCH都係繼續四圍拱搵下其他野食。張貼
