影片
更多
2018-06-28
71 瀏覽
大熱天時最鍾意喺冷氣房打邊爐，咁啱今日去開石硤尾做野，又要同好朋友慶祝生日，佢就提議不如喺附近睇吓有無得打邊爐。佢鍾意打邊爐有海鮮食，見到呢間主打海鮮，又有刺身，就決定入去試吓。入到去見到有個番茄海鮮鍋，就二話不說即刻點左先，之後再慢慢睇下有咩配料。咁啱老細聽到我同朋友都係呢個月生日，就同我地講生日月份係有刺身送。當食緊刺身嘅時候個海鮮煲就嚟到，首先上左個番茄湯，一嚟到已經聞到好濃嘅蕃茄味，我記得老闆好似話用咗四十幾斤蕃茄嚟嘅，所以啲湯先咁香濃，等滾左之後侍應就將海鮮倒埋落去，d青口好大隻睇見都好興奮。不嬲打邊爐都好鍾意食午餐肉，呢度仲有好邪惡嘅炸午餐肉，即刻叫番碟嚟試吓。黎到之後我同朋友已經忍唔住就咁食咗兩三件，外脆內軟，唔係怕肥嘅話真係好想叫多碟！打邊爐梗係唔少得牛肉啦一於試吓佢個三拼(本地手切牛頸脊,安格斯牛小排,牛展)，牛頸脊脂肪比例一流，都算得上係入口即溶，而牛小排同牛展就比較肉味香濃。下次多幾個人一定會叫最大嗰個牛肉拼盤，可以試晒咁多款牛肉。個即炸紫菜響鈴非常之鬆脆，上到枱仲熱辣辣，嗰啲包裝即食響鈴完全比唔上。蔬菜類嘅我哋就叫咗新鮮淮山同埋竹笙，竹笙煮完吸晒啲番茄湯真係超級
入到去見到有個番茄海鮮鍋，就二話不說即刻點左先，之後再慢慢睇下有咩配料。咁啱老細聽到我同朋友都係呢個月生日，就同我地講生日月份係有刺身送。
當食緊刺身嘅時候個海鮮煲就嚟到，首先上左個番茄湯，一嚟到已經聞到好濃嘅蕃茄味，我記得老闆好似話用咗四十幾斤蕃茄嚟嘅，所以啲湯先咁香濃，等滾左之後侍應就將海鮮倒埋落去，d青口好大隻睇見都好興奮。
不嬲打邊爐都好鍾意食午餐肉，呢度仲有好邪惡嘅炸午餐肉，即刻叫番碟嚟試吓。黎到之後我同朋友已經忍唔住就咁食咗兩三件，外脆內軟，唔係怕肥嘅話真係好想叫多碟！打邊爐梗係唔少得牛肉啦一於試吓佢個三拼(本地手切牛頸脊,安格斯牛小排,牛展)，牛頸脊脂肪比例一流，都算得上係入口即溶，而牛小排同牛展就比較肉味香濃。下次多幾個人一定會叫最大嗰個牛肉拼盤，可以試晒咁多款牛肉。
個即炸紫菜響鈴非常之鬆脆，上到枱仲熱辣辣，嗰啲包裝即食響鈴完全比唔上。
蔬菜類嘅我哋就叫咗新鮮淮山同埋竹笙，竹笙煮完吸晒啲番茄湯真係超級正！
另外仲叫咗蜂巢豆腐同招牌水餃，個水餃真心唔錯，粒粒都咁大隻，每隻都有鮮肉，木耳絲，同埋兩隻蝦，食得出非常之新鮮。
成餐飯都感到啲服務非常之好，店員亦都好細心，會主動幫你換碟。今次呢餐滿足晒我呢個邊爐怪，期待下一次搵多幾個朋友一齊黎，可以再叫多啲款嘅配料。
張貼
