太子海鮮菜館

營業中

休息中

想食海鮮唔使去咁遠，近近地長沙灣就食到又好味又新鮮嘅靚海產，今次朋友好介紹帶我去元州街近昌華街一間海鮮菜館，海鮮選擇好多，小菜選擇亦多，我們點選多個海鮮小菜。蒜蓉蒸扇貝好大隻又厚肉，蒸到啱啱好好鮮甜，粉絲撈金銀蒜一齊蒸心機之作。豉椒炒蟶子脆米粉底，好香豉椒蟶子新鮮爽彈，米粉底脆卜卜，必食推介。椒鹽鮑魚又係好大隻，外層椒鹽脆炸，鮑魚爽滑彈牙。鳳梨咕嚕蝦球甜酸汁調校合適，蝦球大隻爽彈。仲有燒鵝同海鮮雜菜粉絲煲都認真唔錯，用料豐富份量又相當充足，呢餐晚飯真心相當滿意。菜館晚上都相對旺場，建議大家預先訂座。