Bun Cha Vietnamese (滿發大廈)

營業中

休息中

前身係一間冇人食既日本餐廳，上星期先發現間餐廳轉左名，內裡裝修大至上無變。走入去試新餐廳，星期四晚上8點左右，已坐滿9成客人。看看餐牌，只收現金，不設加一，菜式選擇不多，我叫左一碗生牛肉湯粉和蔬菜香草紙米卷。眼見這碗生牛肉湯粉沒甚麼特別，飲完第一口湯後，非常驚喜，牛肉湯湯底清甜，牛肉味超重，冇味精，因我食完後一啲都唔口渴。簿簿既生牛肉變左半生熟既牛肉，約5-6塊左右，生洋蔥同配料好新鮮，份量足夠。此碗牛肉粉真值得推介，好好味。蔬菜香草紙米卷，紙米卷乾身，裡面蔬菜正常，配上酸味味既醬汁，開胃。最後，啲員工會教食客點樣落醬汁令食物好食啲，好有趣。