妹記生滾粥品

營業中

休息中

呢排飽飽滯滯，食下粥，琴晚食左靠得住，今日晏晝又食下妹記。妹記生滾粥，唔知點解唔係好似生滾粥，生滾粥通常比較杰身，熱到燙咀既溫度，妹記比較似普通粥舖既粥。雖然係甘，但係都幾好味，點左個肉丸粥，肉丸有好多粒，應該有成7、8粒，肉丸好味，粥底正常。再加個魚皮 (唔係炸魚皮)，驚一個人食唔哂，問下個SIZE有幾大先，成碟拎出黎俾我睇，非常好，好好禮貌，唔似其他多人幫襯O既餐廳甘躁底。碟魚皮個SIZE 一個人食岩岩好，不過蔥同薑似乎多得滯，搶左魚皮個味，魚皮個味偏淡，可以落多D調味。總括黎講，幾好，唔駛等位，味道不錯，有禮貌，食食下見到有鬼佬一家大細黎食，好少見鬼佬食粥。下次有機會，試埋個及弟粥。