華特餐廳

營業中

休息中

今年生日去迪士尼慶祝🎉生日套票包華特晚餐🍴環境古典優雅，員工態度親切有禮（基本上所有迪士尼酒店嘅員工態度都非常之好😗）員工先遞上麵包😋凱撒沙律配雞胸肉，份量足，沙律菜新鮮爽脆，雞胸肉未至於嫰滑但腍身唔鞋口！蟹肉濃湯用杯仔裝住好的骰，質地厚稠，味道濃郁，裡面仲有蟹肉，正👍🏻主菜叫美國牛柳7成熟，配菜有4款選擇，有忌廉焗薯、薯條、焗薯、薯泥，我都係鍾意配薯條多啲😋另有炸茄子、焗蕃茄同蘆筍條伴碟！牛柳厚身，燒出嚟嘅格仔紋幾靚，但可惜肉質較乾身， 頗失望！餐飲叫熱朱古力，面層加左塊有圖案嘅朱古力😍看起上嚟好特別，有驚喜！不過要盡快影相，因為佢會慢慢溶架！