星耀廳

今年生日屋企人在星耀廳訂了自助晚餐同我慶祝， 餐廳位於黃竹坑海洋徑3號香港富麗敦海洋公園酒店1樓。 我們六點準時揸車到達， 食滿一千蚊有三個鐘頭免費泊車優惠。星期日 自助餐都算幾多人， 店內樓底高，座位舒適， 店員服務有禮。 海鮮凍盤有龍蝦、蝦、 蟹鉗、長腳蟹、麵包蟹、青口和蜆， 龍蝦多膏肉質彈牙，長腳蟹 的蟹肉瘦削，至於其餘幾款味道普通。 另外幾喜歡有現場即切巴馬火腿， 味道鹹香。 刺身方面我喜歡紅蝦， 鮮甜又大隻。 熟食就推介牛扒、海南雞、鰻魚炒飯和喇沙，尤其是牛扒，肉味濃又軟腍。 甜品種類很多， 我最喜歡朱古力果仁曲奇，現場即做， 口感鬆化非常好味，還有各款糕點、雪糕、 朱古力噴泉、糖水都做得幾好。 飲品有橙汁、蘋果汁、檸檬茶、熱茶和咖啡類都是任飲的。 因為食物種類都幾多👍🏻，沙律區、芝士區，其他熟食都未能一次過試曬， 下次有機會一定會再來😊。 🏷️溫馨提示～ 整個用餐體驗均屬個人分享意見， 只作參考😊。