茶園

營業中

休息中

因爲我生日，所以媽媽就請咗我去茶園食下午茶。呢度嘅下午茶以甜品為主，食客除左可以享用傳統三層英式hightea嘅食物外，仲可以任食雪糕、甜品同水果，啱曬一眾甜品控！首先要介紹下三層英式hightea嘅食物~ 最底層嘅係鹹點，當中包括芝士番茄乾撻、兩款唔同口味嘅三文治(龍蝦牛油果味同青瓜忌廉芝士味)同埋迷你漢堡包。第二層有法式酒桶蛋糕、朱古力撻、檸檬味泡芙同埋迷你杯子蛋糕。至於最高一層就有scone同埋草莓抹茶慕斯。整體黎講，我個人覺得鹹點比較好味，最好味嘅係三文治，因爲麵包夠鬆軟，餡料嘅調味亦恰到好處。甜點嘅味道其實都唔錯，不過我自己就覺得甜咗少少，我覺得迷你杯子蛋糕係甜點之中最好味嘅，因爲甜度適中，而且上面嘅忌廉亦打得非常軟滑。任食嘅甜品有朱古力梳乎厘、橙酒pancake、酒桶蛋糕、朱古力、馬卡龍同埋櫻花形狀嘅蘋果餡日式燒餅。我覺得燒餅係最好味嘅，因爲餅皮充滿蛋香，蘋果餡好清新，味道唔會過甜，所以食多幾件都唔會覺得膩。雪糕嘅口味都幾多元化，有d仲好特別添！我就揀左草莓芝士蛋糕味同雜莓味黎試，兩款牛奶味都幾濃，而且加入左酸酸地嘅莓果，味道清新，正！另外，任食嘅水果又甜又新鮮，配合雪糕或