影片
更多
2018-09-12
82 瀏覽
上星期六同朋友嚟東大街食潮州粉麵，離開時發現對面開咗間「明記甜品」。聽朋友講，「明記」喺西灣河已經經營咗近十幾年，係街坊名店，有好多明星幫襯，而近年分店越開越多，除咗西灣河舊舖外，仲有分店喺銅鑼灣、天后、荃灣同筲箕灣。不過由於嗰晚實在太飽，食唔落甜品，所以過門而不入，趁今日要去東區覆診，就一於拉埋朋友再闖東大街。到埗後拉開趟門而入，店內地方不大，用餐區以白色同淺木色為主，椅桌擺放得整齊企理，牆身掛滿大大幅甜品相片，未嘗味道已能先賭為快，令人胃口大開。安坐後再細看四周，裝潢簡約摩登，明顯走年輕人路線。翻開餐牌，甜品多達數十款，選項甚豐，傳統與新派兼備。除了有不少中式糖水，例如生磨合桃糊、蛋白杏仁茶、芝麻紅豆沙等等之外，還有芒果系列、特色窩夫、榴槤系列、新鮮果盤同一系列適合後生仔的甜品，如心太軟、梳乎厘、烤棉花糖燉蛋等，最啱想要多選擇的朋友。雖然天氣仍然熱辣辣，不過其實上個月已經立咗秋，踏入初秋，脾胃和皮膚都開始乾燥，需要滋潤下，所以先來一客生磨合桃糊 ($34/熱) 補一補。合桃糊上桌時仍冒著熱煙，舀起一匙入口，質地不太稠，味道香濃幼滑，而且甜度適中，不過如果入面再混入一些合桃顆粒的話
上星期六同朋友嚟東大街食潮州粉麵，離開時發現對面開咗間「明記甜品」。聽朋友講，「明記」喺西灣河已經經營咗近十幾年，係街坊名店，有好多明星幫襯，而近年分店越開越多，除咗西灣河舊舖外，仲有分店喺銅鑼灣、天后、荃灣同筲箕灣。不過由於嗰晚實在太飽，食唔落甜品，所以過門而不入，趁今日要去東區覆診，就一於拉埋朋友再闖東大街。
到埗後拉開趟門而入，店內地方不大，用餐區以白色同淺木色為主，椅桌擺放得整齊企理，牆身掛滿大大幅甜品相片，未嘗味道已能先賭為快，令人胃口大開。安坐後再細看四周，裝潢簡約摩登，明顯走年輕人路線。
翻開餐牌，甜品多達數十款，選項甚豐，傳統與新派兼備。除了有不少中式糖水，例如生磨合桃糊、蛋白杏仁茶、芝麻紅豆沙等等之外，還有芒果系列、特色窩夫、榴槤系列、新鮮果盤同一系列適合後生仔的甜品，如心太軟、梳乎厘、烤棉花糖燉蛋等，最啱想要多選擇的朋友。
雖然天氣仍然熱辣辣，不過其實上個月已經立咗秋，踏入初秋，脾胃和皮膚都開始乾燥，需要滋潤下，所以先來一客生磨合桃糊 ($34/熱) 補一補。合桃糊上桌時仍冒著熱煙，舀起一匙入口，質地不太稠，味道香濃幼滑，而且甜度適中，不過如果入面再混入一些合桃顆粒的話，口感應該會更加豐富。
分吃了友人的楊枝甘露 ($38)，甜品用上新鮮芒果打成稠狀，內裡無添加任何濃縮芒果汁，入口帶芒果甜香，而且奶味明顯，配上酸咪咪的柚子同大大粒西米，口感非常豐富，味道天然又足料。
意猶未盡，再加客朱古力窩夫 ($48/半份) 作結，窩夫雖然只係揀咗半份，但估唔到都有成四件，分量十足。窩夫上桌時仍熱辣辣，面頭灑上朱古力漿，香味撲鼻，旁邊配有香蕉、雲呢拿雪糕同一個「倒插」的雪糕筒，造型十分鬼馬，用來呃 like 一流。切開一試，窩夫外層非常脆身，內裡鬆軟綿密，入口帶濃濃嘅朱古力香，伴以淋上朱古力漿的香蕉同吃，啖啖甜到入心。唔知店舖幾時會喺我屋企附近開間分店呢？
張貼
