甜牙牙

營業中

休息中

係旺角食完晚餐，行行下見到呢間甜品，個menus睇落唔錯，咁就試下佢先。間鋪頭裝修簡約風，成個環境都幾舒服。啲匙根刀叉係熱架！姐係岩岩消毒完，好貼心，呢個細節真係有得讚。嗌左個水晶仙草芋圓杯，個脆珠勁脆lo，係我食過咁多脆珠中最脆嘅。個芋圓不得了，又彈牙又細滑。最鐘意綠色抹茶味芋圓，抹茶味好濃郁，又唔會好甜，幾特別。好味好味。另外嗌左提拉米蘇窩夫，雪糕好好味👍🏻，個窩芙新鮮出爐，仲溫溫哋，脆脆哋，奶味幾重。好味！見到隔離檯嗌左其它嘢幾抵食，下次再黎。